17 قاڭتار كۇنى پاۆلودار وبلىسىنىڭ بۇرىنعى اكىمى بولات ەكى ايعا قاماۋعا الىنعان بولاتىن. ول قىزمەتتىك وكىلەتتىگىن اسىرا پايدالاندى دەگەن كۇدىككە ءىلىنىپ وتىر. ۇلتتىق قاۋىپسىزدىك كوميتەتى 15 قاڭتاردا قىلمىستىق ءىس بويىنشا جەدەل تەرگەۋ ءىس-شارالارىن وتكىزگەن ەدى.
جاڭا اكىم ءابىلقايىر سقاقوۆ 1974 جىلى پاۆلودار وبلىسىندا دۇنيەگە كەلگەن.
1995 جىلى اقمولا قارجى-ەكونوميكا تەحنيكۋمىن «سالىقتار قارجىگەرى» ماماندىعى بويىنشا ءتامامداعان. 2000 جىلى شاكارىم اتىنداعى سەمەي مەملەكەتتىك ۋنيۆەرسيتەتىن «قارجىگەر جانە ەكونوميست» ماماندىعى بويىنشا بىتىرگەن.
2004 جىلى قازاق قۇقىقتانۋ جانە حالىقارالىق قاتىناستار ينستيتۋتىن بىتىرگەن. 2017 جىلى م. لومونوسوۆ اتىنداعى ماسكەۋ مەملەكەتتىك ۋنيۆەرسيتەتىن ءتامامداعان.
2014-2016 جىلدارى استانا قالاسى بويىنشا مەملەكەتتىك كىرىستەر دەپارتامەنتىنىڭ باسشىسى. 2016 جىلدىڭ 1 جەلتوقسانىنان 2019 جىلدىڭ 25 ساۋىرىنە دەيىن قازاقستان رەسپۋبليكاسى قورعانسى ءمينيسترىنىڭ ورىنباسارى بولدى.
سقاقوۆ 2019 جىلدىڭ 25 ساۋىرىنەن قازاقستان رەسپۋبليكاسى قارجى مينيسترلىگىنىڭ قارجى مونيتورينگى كوميتەتىنىڭ ءتوراعاسى قىزمەتىن اتقارعان ەدى.
