Pavlodar qalasy bilim berý bólimi basshysynyń orynbasary Qýanysh Qydyralınnyń aıtýynsha, búgingi kúni qalada qazaq synyptary joq 4 mektep bar.
- Bul - № 23, 16, 34 jáne 13 jalpy orta bilim berý mektepteri, - deıdi Qýanysh Qydyralın. - Jańa oqý jylynan bastap osy mektepterde qazaq synyptary ashylady. Bul maqsatqa qosymsha bastaýysh synyp muǵalimderi jumysqa qabyldanady. Osy oraıda, ata-analar balalaryn qazaq tilinde oqytýǵa nıet bildirse eken degen suranysymyz bar.
Sebebi, kóptegen ata-analar ózimizdiń tilimiz shorqaqtaý, balany oqytýǵa qıyn bolady degen túrli syltaýlarmen balalaryn orys synyptaryna beredi. Ashyǵyn aıtqanda, ata-analar tarapynan joǵary deńgeıde suranys bar dep aıta almaımyz.
Bólim basshysynyń orynbasary qazaq synyptary ashylatyn mektepterde úgit-nasıhat jumystary júrgizilip jatqanyn atap ótti.
Oblys ortalyǵynda barlyǵy 43 jalpy orta bilim berý mektebi bar. Onyń ishinde bireýi - jeke menshik, 31-i - aralas, segizi - qazaq jáne tórteýi - orys tilinde bilim beredi.
Eske sala keteıik, bıyl Pavlodarda balalardy 1-synypqa tek onlaın qabyldaıdy. Qala mektepterine bolashaq birinshi synyp oqýshylaryn qabyldaý 1 maýsymnan 30 tamyzǵa deıin júrgiziledi.
