پاۆلودار قالاسى بٸلٸم بەرۋ بٶلٸمٸ باسشىسىنىڭ ورىنباسارى قۋانىش قىدىراليننىڭ ايتۋىنشا, بٷگٸنگٸ كٷنٸ قالادا قازاق سىنىپتارى جوق 4 مەكتەپ بار.
- بۇل - № 23, 16, 34 جەنە 13 جالپى ورتا بٸلٸم بەرۋ مەكتەپتەرٸ, - دەيدٸ قۋانىش قىدىرالين. - جاڭا وقۋ جىلىنان باستاپ وسى مەكتەپتەردە قازاق سىنىپتارى اشىلادى. بۇل ماقساتقا قوسىمشا باستاۋىش سىنىپ مۇعالٸمدەرٸ جۇمىسقا قابىلدانادى. وسى ورايدا, اتا-انالار بالالارىن قازاق تٸلٸندە وقىتۋعا نيەت بٸلدٸرسە ەكەن دەگەن سۇرانىسىمىز بار.
سەبەبٸ, كٶپتەگەن اتا-انالار ٶزٸمٸزدٸڭ تٸلٸمٸز شورقاقتاۋ, بالانى وقىتۋعا قيىن بولادى دەگەن تٷرلٸ سىلتاۋلارمەن بالالارىن ورىس سىنىپتارىنا بەرەدٸ. اشىعىن ايتقاندا, اتا-انالار تاراپىنان جوعارى دەڭگەيدە سۇرانىس بار دەپ ايتا المايمىز.
بٶلٸم باسشىسىنىڭ ورىنباسارى قازاق سىنىپتارى اشىلاتىن مەكتەپتەردە ٷگٸت-ناسيحات جۇمىستارى جٷرگٸزٸلٸپ جاتقانىن اتاپ ٶتتٸ.
وبلىس ورتالىعىندا بارلىعى 43 جالپى ورتا بٸلٸم بەرۋ مەكتەبٸ بار. ونىڭ ٸشٸندە بٸرەۋٸ - جەكە مەنشٸك, 31-ٸ - ارالاس, سەگٸزٸ - قازاق جەنە تٶرتەۋٸ - ورىس تٸلٸندە بٸلٸم بەرەدٸ.
ەسكە سالا كەتەيٸك, بيىل پاۆلوداردا بالالاردى 1-سىنىپقا تەك ونلاين قابىلدايدى. قالا مەكتەپتەرٸنە بولاشاق بٸرٸنشٸ سىنىپ وقۋشىلارىن قابىلداۋ 1 ماۋسىمنان 30 تامىزعا دەيٸن جٷرگٸزٸلەدٸ.
