Pavlodarda bilim basqarmasy basshysynyń orynbasary jaýapqa tartyldy
Oblystyq prokýratýra mektepterde tamaqtandyrýdy uiymdastyrý jónindegi sharttardyń oryndalýyna taldaý júrgizdi. Onyń nátijeleri tamaqtaný somalaryn esepteý Kásipkerlik kodekstiń, tamaqtanýdy uiymdastyrý erejeleriniń, salyq jáne biýdjet zańnamasynyń talaptaryn buza otyryp júrgizilgenin kórsetti.
Bilim basqarmasy biýdjettik ótinimderdi jasaý barysynda bir rettik mekteptegi tamaqtaný qunynyń esebine qosymsha qun salyǵy stavkasyn (12%) nazarǵa almaǵany anyqtaldy. Tamaqtanýdy uiymdastyrǵany úshin tólem salyqty shegere otyryp júrgizilgen, iaǵni bir oqýshyǵa 450 teńgeniń ornyna 402 teńge tólegen.
Atalǵan mán-jailar qoǵamdyq tamaqtandyrý salasyndaǵy qyzmetti iske asyratyn 33 sharýashylyq sýbektisi quqyǵynyń buzylýyna ákep soqtyrdy. Qadaǵalaý aktisi boiynsha biýdjettik ótinimderdi qalyptastyrý praktikasy qaita qaraldy. Kásipkerlerge 90 mln teńge kóleminde negizsiz ustalǵan QQS somasy tólendi, – delingen habarlamada.
Jiberilgen buzýshylyqtar úshin oblystyń bilim berý basqarmasy basshysynyń orynbasary tártiptik jaýapkershilikke tartyldy.
