وبلىستىق پروكۋراتۋرا مەكتەپتەردە تاماقتاندىرۋدى ۇيىمداستىرۋ جونىندەگى شارتتاردىڭ ورىندالۋىنا تالداۋ جۇرگىزدى. ونىڭ ناتيجەلەرى تاماقتانۋ سومالارىن ەسەپتەۋ كاسىپكەرلىك كودەكستىڭ، تاماقتانۋدى ۇيىمداستىرۋ ەرەجەلەرىنىڭ، سالىق جانە بيۋدجەت زاڭناماسىنىڭ تالاپتارىن بۇزا وتىرىپ جۇرگىزىلگەنىن كورسەتتى.
ءبىلىم باسقارماسى بيۋدجەتتىك وتىنىمدەردى جاساۋ بارىسىندا ءبىر رەتتىك مەكتەپتەگى تاماقتانۋ قۇنىنىڭ ەسەبىنە قوسىمشا قۇن سالىعى ستاۆكاسىن (12%) نازارعا الماعانى انىقتالدى. تاماقتانۋدى ۇيىمداستىرعانى ءۇشىن تولەم سالىقتى شەگەرە وتىرىپ جۇرگىزىلگەن، ياعني ءبىر وقۋشىعا 450 تەڭگەنىڭ ورنىنا 402 تەڭگە تولەگەن.
اتالعان ءمان-جايلار قوعامدىق تاماقتاندىرۋ سالاسىنداعى قىزمەتتى ىسكە اسىراتىن 33 شارۋاشىلىق سۋبەكتىسى قۇقىعىنىڭ بۇزىلۋىنا اكەپ سوقتىردى. قاداعالاۋ اكتىسى بويىنشا بيۋدجەتتىك وتىنىمدەردى قالىپتاستىرۋ پراكتيكاسى قايتا قارالدى. كاسىپكەرلەرگە 90 ملن تەڭگە كولەمىندە نەگىزسىز ۇستالعان ققس سوماسى تولەندى، – دەلىنگەن حابارلامادا.
جىبەرىلگەن بۇزۋشىلىقتار ءۇشىن وبلىستىڭ ءبىلىم بەرۋ باسقارماسى باسشىسىنىڭ ورىنباسارى تارتىپتىك جاۋاپكەرشىلىككە تارتىلدى.
