Álkei Marǵulan atyndaǵy Pavlodar pedagogikalyq ýniversiteti ǵylymi zertteýlerdi tabysqa ainaldyrýdyń tiimdi tetigin tapty. Bul týraly oqý ornynyń rektory Erjan Ámirbekuly málimdedi, dep habarlaidy Dalanews.kz
Ýniversitet quramyndaǵy Arheologiialyq zertteýler institýty elimizdiń tarihi-mádeni murasyn zertteýmen qatar, túrli jobalarǵa ǵylymi saraptama jasaidy. Máselen, arheologiialyq jádigerlerge, jol-qurylys nysandaryna, kommertsiialyq jobalarǵa jáne tarihi qundylyqtarǵa kásibi qorytyndy beredi.
"Bul qyzmet túrine tapsyrys berýshiler qomaqty qarajat tóleidi. Bir jobaǵa bólinetin ýaqyt úsh aidan bir jylǵa deiin sozylýy múmkin. Sonyń nátijesinde biyl institýt ǵalymdarynyń jumystarynyń jalpy kólemi 100 mln teńgege jýyqtady. Búginde bir ǵalymnyń ortasha ailyq tabysy 2 mln teńgeden asty", – dedi Erjan Ámirbekuly.
Rektordyń aitýynsha, ýniversitet ǵylymdy qarjylyq turǵydan tiimdi salaǵa ainaldyrý arqyly jas mamandardy yntalandyryp, ǵylymi ortada básekege qabilettilikti arttyrýdy kózdeidi.
"Qalaýyn tapsa qar janar" degen, ǵylymmen ainalysyp jaqsy tabysqa jetýge ábden bolady", - dep jazdy rektor.
