Pavlodar oblysynda koloniia basshysynyń orynbasary ustaldy degen aqparat tarady, dep habarlaidy Dalanews.kz.
Oǵan qyzmettik ókilettigin asyra paidalandy degen aiyp taǵylyp otyr.
Kúdikti retinde tanylǵan koloniia basshysynyń orynbasary ýaqytsha ustaý izoliatoryna qamaldy. Qazirgi ýaqytta bul is boiynsha qylmystyq is qozǵaldy.
Qylmystyq-atqarý júiesi komitetiniń (QAJK) habarlaýynsha, atalǵan fakti boiynsha tergeý amaldary júrip jatyr. Birqatar mekeme qyzmetkerleri men óńirlik qylmystyq-atqarý júiesi departamentiniń ókilderi jaýapkershilikke tartyldy. Mekeme basshysy qyzmetinen bosatyldy.
