Pavlodar oblysy ákimdiginiń qaramaǵyndaǵy memlekettik kásiporynnyń shotynda úsh jyldan astam ýaqyt boiy paidalanylmai jatqan 2 mlrd teńge “Qazaqtelekom” kompaniiasyna aýdaryldy, dep habarlaidy Dalanews.kz.
Joǵary aýditorlyq palatasynyń dereginshe, qazynashylyq aýditorlarynyń tekserisi nátijesinde 2 mlrd teńgeden astam qarjy baqylaý shotynda saqtalyp, uzaq ýaqyt boiy igerilmegeni anyqtaldy.
“Pavlodar oblysy ákimdigine bul qarajattyń ári qarai qoldanylýyn qamtamasyz etý tapsyryldy. 18 naýryzdaǵy jaǵdai boiynsha 2 mlrd teńgeden astam qarjy buǵan deiin jasalǵan kelisimshart aiasynda “Qazaqtelekom” AQ-ǵa aýdaryldy”, – delingen resmi habarlamada.
Qazir shotta qalǵan 114 mln teńgeniń qaida jumsalatyny qarastyrylyp jatyr.
“Bul másele Joǵary aýditorlyq palata baqylaýynda, memlekettik aýdit qorytyndysy boiynsha berilgen basqa da tapsyrmalardyń oryndalýy siiaqty”, – dep túiindedi vedomstvo.
