پاۆلودار وبلىسى اكىمدىگىنىڭ قاراماعىنداعى مەملەكەتتىك كاسىپورىننىڭ شوتىندا ءۇش جىلدان استام ۋاقىت بويى پايدالانىلماي جاتقان 2 ملرد تەڭگە “قازاقتەلەكوم” كومپانياسىنا اۋدارىلدى، دەپ حابارلايدى Dalanews.kz.
جوعارى اۋديتورلىق پالاتاسىنىڭ دەرەگىنشە، قازىناشىلىق اۋديتورلارىنىڭ تەكسەرىسى ناتيجەسىندە 2 ملرد تەڭگەدەن استام قارجى باقىلاۋ شوتىندا ساقتالىپ، ۇزاق ۋاقىت بويى يگەرىلمەگەنى انىقتالدى.
“پاۆلودار وبلىسى اكىمدىگىنە بۇل قاراجاتتىڭ ءارى قاراي قولدانىلۋىن قامتاماسىز ەتۋ تاپسىرىلدى. 18 ناۋرىزداعى جاعداي بويىنشا 2 ملرد تەڭگەدەن استام قارجى بۇعان دەيىن جاسالعان كەلىسىمشارت اياسىندا “قازاقتەلەكوم” اق-عا اۋدارىلدى”، – دەلىنگەن رەسمي حابارلامادا.
ءقازىر شوتتا قالعان 114 ملن تەڭگەنىڭ قايدا جۇمسالاتىنى قاراستىرىلىپ جاتىر.
“بۇل ماسەلە جوعارى اۋديتورلىق پالاتا باقىلاۋىندا، مەملەكەتتىك اۋديت قورىتىندىسى بويىنشا بەرىلگەن باسقا دا تاپسىرمالاردىڭ ورىندالۋى سياقتى”، – دەپ تۇيىندەدى ۆەدومستۆو.
