Pavlodar oblysynda asarlatyp salynǵan ashana ashyldy
- Nysannyń qurylysy eki jyl júrgizilgen bolatyn, - deidi Qojamjar aýyldyq okrýginiń ákimi Serik Tezekbaev.
- Bul ásem ǵimarat eldi mekenniń sánin keltirip qana qoimai, aýyl turǵyndarynyń jarqyn keleshekke degen senimin nyǵaitty.
Qazaqy ortada aýqymdy da kúrdeli jumystardy birlese atqarý hareketin «Asar» dástúri dep ataidy. Aǵa býynnyń osy bastamasy óskeleń jas urpaqty eńbekke baýlyp, syilastyqqa, qamqorlyq tanytýǵa, týǵan jerdi, eldi qurmetteýge, óz eliniń shyn patrioty bolyp ósýge septigin tigizedi dep bilemin.
Mundai áreketti adam sanasynyń rýhani jańǵyrýy dep atasaq bolady.
Abyzbai Adamov, Qojamurat Omarov jáne Baitovtar otbasy bastaǵan jerles kásipkerler men aýyl turǵyndarynyń qarjylai demeýshiligimen salynǵan qurylys jumystaryna 9,5 mln teńge qarajat jumsalǵan.
Bul azamattardyń barlyǵy Astana, Pavlodar jáne basqa da aimaqtarda turǵanymen, týǵan jerge taǵzym retinde aýyl turǵyndaryna osyndai syi jasaýdy jón kórgen.
Aqtoǵai aýdanynyń ortalyǵynda barlyǵy úsh ashana jumys istese, bul aýdan boiynsha aýyldardyń arasynda ashylyp otyrǵan alǵashqy ashana.
Jambyl aýylynda barlyǵy 200-den astam adam turady. Saltanatty ashylý sharasyna qatysqan aýdan ákiminiń orynbasary Ermek Mashyryqov aýyl ashanasyna mýzykalyq apparatýra syiǵa tartty. Kópten kútken nysannyń ashylýyna 400-den asa aýyl turǵyny jinalyp, sońy ulan asyr toiǵa ulasty.
Derekkóz: pavlodarnews.kz
