- نىساننىڭ قۇرىلىسى ەكى جىل جۇرگىزىلگەن بولاتىن، - دەيدى قوجامجار اۋىلدىق وكرۋگىنىڭ اكىمى سەرىك تەزەكبايەۆ.
- بۇل اسەم عيمارات ەلدى مەكەننىڭ ءسانىن كەلتىرىپ قانا قويماي، اۋىل تۇرعىندارىنىڭ جارقىن كەلەشەككە دەگەن سەنىمىن نىعايتتى.
قازاقى ورتادا اۋقىمدى دا كۇردەلى جۇمىستاردى بىرلەسە اتقارۋ حارەكەتىن «اسار» ءداستۇرى دەپ اتايدى. اعا بۋىننىڭ وسى باستاماسى وسكەلەڭ جاس ۇرپاقتى ەڭبەككە باۋلىپ، سىيلاستىققا، قامقورلىق تانىتۋعا، تۋعان جەردى، ەلدى قۇرمەتتەۋگە، ءوز ەلىنىڭ شىن پاتريوتى بولىپ وسۋگە سەپتىگىن تيگىزەدى دەپ بىلەمىن.
مۇنداي ارەكەتتى ادام ساناسىنىڭ رۋحاني جاڭعىرۋى دەپ اتاساق بولادى.
ابىزباي اداموۆ، قوجامۇرات وماروۆ جانە بايتوۆتار وتباسى باستاعان جەرلەس كاسىپكەرلەر مەن اۋىل تۇرعىندارىنىڭ قارجىلاي دەمەۋشىلىگىمەن سالىنعان قۇرىلىس جۇمىستارىنا 9،5 ملن تەڭگە قاراجات جۇمسالعان.
بۇل ازاماتتاردىڭ بارلىعى استانا، پاۆلودار جانە باسقا دا ايماقتاردا تۇرعانىمەن، تۋعان جەرگە تاعزىم رەتىندە اۋىل تۇرعىندارىنا وسىنداي سىي جاساۋدى ءجون كورگەن.
اقتوعاي اۋدانىنىڭ ورتالىعىندا بارلىعى ءۇش اسحانا جۇمىس ىستەسە، بۇل اۋدان بويىنشا اۋىلداردىڭ اراسىندا اشىلىپ وتىرعان العاشقى اسحانا.
جامبىل اۋىلىندا بارلىعى 200-دەن استام ادام تۇرادى. سالتاناتتى اشىلۋ شاراسىنا قاتىسقان اۋدان اكىمىنىڭ ورىنباسارى ەرمەك ماشىرىقوۆ اۋىل اسحاناسىنا مۋزىكالىق اپپاراتۋرا سىيعا تارتتى. كوپتەن كۇتكەن نىساننىڭ اشىلۋىنا 400-دەن اسا اۋىل تۇرعىنى جينالىپ، سوڭى ۇلان اسىر تويعا ۇلاستى.
دەرەككوز: pavlodarnews.kz
