Pavlodar oblysynda prokýratýra paidaly qazbalardy zańsyz óndirý faktilerin anyqtady, dep habarlaidy Dalanews.kz.
Tekserý barysynda birqatar uiymnyń ken oryndaryn ruqsatsyz igerip, kelisimshartta kórsetilgen merzimder men aýmaqtyq shekteýlerdi buzǵany belgili boldy.
"Baianaýyl aýdanyndaǵy IBM Gold kompaniiasy ekologiialyq ruqsatsyz altyn men kúmis óndirgen. Budan bólek, óńirdegi taǵy 11 kásiporyn jer qoinaýyn paidalaný zańnamasyn buzǵan. Onyń ishinde segiz jaǵdaida karerler kelisimsharttyq aýmaqtan tys jerde qazylǵan. Sondai-aq kelisimshart merzimderin zańsyz uzartý derekteri de tirkeldi", – delingen habarlamada.
Prokýratýra zań buzǵan kompaniialarǵa qatysty sharalar qabyldaýǵa ýáde berip, sondai-aq memlekettik jáne quqyq qorǵaý organdarynyń ózara is-qimylyn jetildirý maqsatynda jańa algoritm ázirlegen.
