Mai aýdanynda ótken ǵasyrdyń 90-jyldarynda jumys istegen sý qubyryn qaita qurý jobasy 2010-shy jyly qolǵa alynǵan bolatyn.
Qurylys jumystaryna Sý resýrstarynyń komiteti tapsyrys bergen-di. Alaida, alǵashqy merdiger «Tsentrstroi-komplekt NS» JShS-i jumysty sozbalańǵa salǵan soń aradaǵy kelisimshart sot sheshimi boiynsha buzylǵany esimizde.
Budan keiin jumysqa kirisken «Liga-Finans» JShS-i de osyndai jaǵdaiǵa ushyrady. 2015 jyly Ertis ózeniniń tasýy kezinde sý qubyrynyń biraz bóligindegi joldar shaiylyp, skvajinalar tasqyn sý astynda qaldy.
Toptyq sý qubyryna Mai aýdanynyń 9,7 myń turǵyny bar 15 aýyly qosylatyn bolady. Jumysker, Kóktóbe jáne Bozsha aýyldarynda kentishilik sý jelileri salynyp bitti. Jyl sońyna deiin taǵy da 11 aýylda sý bóletin qubyrlar tartylatyn bolady. Osy maqsattarǵa 2019 jyly 3,2 milliard teńge qarjy bólingen.
Toptyq sý qubyryna Mai aýdanynyń 9,7 myń turǵyny bar 15 aýyly qosylatyn bolady. Jumysker, Kóktóbe jáne Bozsha aýyldarynda kentishilik sý jelileri salynyp bitti. Jyl sońyna deiin taǵy da 11 aýylda sý bóletin qubyrlar tartylatyn bolady. Osy maqsattarǵa 2019 jyly 3,2 milliard teńge qarjy bólindi. Bul somanyń 2,7 milliardy respýblikalyq biýdjetten, qalǵan 518 million teńge oblystyq qazynadan bólindi.
Mai toptyq sý qubyryna Aqsý qalasynyń aýyldyq aimaǵynyń eldi mekenderi de qosylýy múmkin. Pavlodar oblysynyń ákimi Bolat Baqaýov aǵymdaǵy jyldyń tamyz aiynda qurylys ýchaskelerin aralaý kezinde osyndai usynys jasady.
– Tórt myńǵa jýyq turǵyny bar Mámáiit Omarov, Qurkól jáne Eńbek aýyldarynda sý qubyrlaryn tartý jobasy ázirlendi, – dedi aimaq basshysy. – Eger ár aýyldyń ózinde skvajina burǵylap, sorǵy stantsiialaryn salyp, ózge de infraqurylymdy tartatyn bolsaq, bul jumystarǵa biýdjetten 1 milliard teńgege jýyq qarjy jumsalady. Al, osy aýyldardy Mai toptyq sý qubyryna qossaq, birtalai qarjy únemdeler edi, sýdyń kirisi de artar edi. Sý jelisine qyzmet kórsetetin mamandardyń eńbekaqysy kóterilip, sý baǵasynyń tarifi tómendeidi.
Pavlodar oblysy ákiminiń baspasóz qyzmeti
