پاۆلودار وبلىسىندا ماي توپتىق سۋ قۇبىرىنىڭ قۇرىلىسى اياقتالدى. قۇرىلىسى ون جىلعا سوزىلعان توپتىق سۋ قۇبىرى وسىلايشا حالىقتىڭ پايدالانۋىنا بەرىلدى. الداعى ۋاقىتتا تۇرعىنداردىڭ ءبارى ۇيلەرىنە سۋ قۇبىرلارىن تارتىپ بولعان سوڭ، قۇربىرعا تازا اۋىز سۋ جىبەرىلەدى دەپ كۇتىلۋدە.   

ماي اۋدانىندا وتكەن عاسىردىڭ 90-جىلدارىندا جۇمىس ىستەگەن سۋ قۇبىرىن قايتا قۇرۋ جوباسى 2010-شى جىلى قولعا الىنعان بولاتىن.

قۇرىلىس جۇمىستارىنا سۋ رەسۋرستارىنىڭ كوميتەتى تاپسىرىس بەرگەن-دى. الايدا، العاشقى مەردىگەر  «سەنترستروي-كومپلەكت نس» ءجشس-ى جۇمىستى سوزبالاڭعا سالعان سوڭ اراداعى كەلىسىمشارت سوت شەشىمى بويىنشا بۇزىلعانى ەسىمىزدە.

بۇدان كەيىن جۇمىسقا كىرىسكەن «ليگا-فينانس» ءجشس-ى دە وسىنداي جاعدايعا ۇشىرادى. 2015 جىلى ەرتىس وزەنىنىڭ تاسۋى كەزىندە سۋ قۇبىرىنىڭ ءبىراز بولىگىندەگى جولدار شايىلىپ، سكۆاجينالار تاسقىن سۋ استىندا قالدى.

– ماي اۋدانىنداعى اۋىلدار سانى ازايعاندىقتان 2017 جىلى جوباعا تۇزەتۋلەر ەنگىزىلدى، – دەپ اتاپ ءوتتى جەر قويناۋىن پايدالانۋ، قورشاعان ورتا جانە سۋ رەسۋرستارى باسقارماسىنىڭ ماماندارى. – 2018-2019 جىلدار ارالىعىندا قۇرىلىس جۇمىستارىن «قازسۋشارۋاشىشىلىق» رەسپۋبليكالىق كاسىپورنى جۇرگىزدى. نىساننىڭ قۇنى 5،4 ميلليارد تەڭگەنى قۇرادى. قازىرگى كەزدە سۋ قۇبىرىن ىسكە قوسۋ جۇمىستارى جۇرگىزىلىپ جاتىر.

توپتىق سۋ قۇبىرىنا ماي اۋدانىنىڭ 9،7 مىڭ تۇرعىنى بار 15 اۋىلى قوسىلاتىن بولادى. جۇمىسكەر، كوكتوبە جانە بوزشا اۋىلدارىندا كەنتىشىلىك سۋ جەلىلەرى سالىنىپ ءبىتتى. جىل سوڭىنا دەيىن تاعى دا 11 اۋىلدا سۋ بولەتىن قۇبىرلار تارتىلاتىن بولادى. وسى ماقساتتارعا 2019 جىلى 3،2 ميلليارد تەڭگە قارجى بولىنگەن.

توپتىق سۋ قۇبىرىنا ماي اۋدانىنىڭ 9،7 مىڭ تۇرعىنى بار 15 اۋىلى قوسىلاتىن بولادى. جۇمىسكەر، كوكتوبە جانە بوزشا اۋىلدارىندا كەنتىشىلىك سۋ جەلىلەرى سالىنىپ ءبىتتى. جىل سوڭىنا دەيىن تاعى دا 11 اۋىلدا سۋ بولەتىن قۇبىرلار تارتىلاتىن بولادى. وسى ماقساتتارعا 2019 جىلى 3،2 ميلليارد تەڭگە قارجى ءبولىندى. بۇل سومانىڭ 2،7 ميللياردى رەسپۋبليكالىق بيۋدجەتتەن، قالعان 518 ميلليون تەڭگە وبلىستىق قازىنادان ءبولىندى.

ماي توپتىق سۋ قۇبىرىنا اقسۋ قالاسىنىڭ اۋىلدىق ايماعىنىڭ ەلدى مەكەندەرى دە قوسىلۋى مۇمكىن. پاۆلودار وبلىسىنىڭ اكىمى بولات باقاۋوۆ اعىمداعى جىلدىڭ تامىز ايىندا قۇرىلىس ۋچاسكەلەرىن ارالاۋ كەزىندە وسىنداي ۇسىنىس جاسادى.

– ءتورت مىڭعا جۋىق تۇرعىنى بار ءمامايىت وماروۆ، قۇركول جانە ەڭبەك اۋىلدارىندا سۋ قۇبىرلارىن تارتۋ جوباسى ازىرلەندى، – دەدى ايماق باسشىسى. – ەگەر ءار اۋىلدىڭ وزىندە سكۆاجينا بۇرعىلاپ، سورعى ستانسيالارىن سالىپ، وزگە دە ينفراقۇرىلىمدى تارتاتىن بولساق، بۇل جۇمىستارعا بيۋدجەتتەن 1 ميلليارد تەڭگەگە جۋىق قارجى جۇمسالادى. ال، وسى اۋىلداردى ماي توپتىق سۋ قۇبىرىنا قوسساق، ءبىرتالاي قارجى ۇنەمدەلەر ەدى، سۋدىڭ كىرىسى دە ارتار ەدى. سۋ جەلىسىنە قىزمەت كورسەتەتىن مامانداردىڭ ەڭبەكاقىسى كوتەرىلىپ، سۋ باعاسىنىڭ ءتاريفى تومەندەيدى.

 

پاۆلودار وبلىسى اكىمىنىڭ باسپا ءسوز قىزمەتى