Túrkistan oblysy ákimi Darhan Satybaldy kún tártibindegi máselelerdiń mańyzdylyǵyna toqtalyp, jaýaptylarǵa tiisti tapsyrmalar berdi.
– «Kóleńkeli ekonomika» – elimizdiń ekonomikalyq jáne ulttyq qaýipsizdigine qater tóndiretin kúrdeli problemalardyń biri.
Sondyqtan oǵan qarsy kúres sapaly júrgizilýi kerek. Salyq jáne keden tólemderin tóleýden jaltarýǵa qarsy kúres jandansyn. Salyqtyq jáne kedendik ákimshilendirýdi tsifrlandyrý, qolma-qol aqshasyz esep aiyrysýdy damytý boiynsha jumystar atqarylsyn. B
yltyr «Evolution Corporation» jáne «Indigo 24» qarjy piramidalarynyń isi boiynsha 25 adam sottaldy. Jańa piramidalarǵa, zańsyz oiyn avtomattaryna qarsy jumysty kúsheitpese bolmaidy.
Talai azamat qumar oiynnyń jetegine erip ketýde. Túsindirý jumystaryn júrgizýdi tapsyramyn. «7-20-25» baǵdarlamasymen ipotekalyq úilerdi satý, páter kezegine tirkeý, tapsyrýǵa qatysty kezdesken kemshilikterdi de joiý qajet.
Qurylys salasynda sybailas jemqorlyqtyń táýekelderin joiý boiynsha júieli sharalardy qabyldaýdyń mańyzy zor. Taldaý barysynda qurylys salasynda sybailas jemqorlyq táýekelderiniń týyndaýy joǵary ekendigi anyqtaldy.
Osyǵan orai, tiisti basqarmalarmen birlese otyryp, osy protsesterdi tsifrlandyrý boiynsha ýákiletti organǵa usynys joldansyn. Sybailas jemqorlyqpen jan-jaqty kúresý máselesi kún tártibinen túsken joq. Basqa salalar boiynsha sybailas jemqorlyqtyń táýekelderine ishki taldaý júrgizilip, anyqtalǵan kemshilikterdi joiý boiynsha usynystar engizilsin, – dedi Darhan Satybaldy.
Onyń aitýynsha, «7-20-25» baǵdarlamasy boiynsha 2021 jyly ótkizilgen birneshe konkýrstyń arasynan kemshilikter anyqtalǵan.
Turǵyn úi bólimimen memlekettik qyzmetti kórsetýdiń merzimderin buzý boiynsha 103 derek anyqtalsa, turǵyn úi kezegine qatysty da kemshilikter rettelgen.
Túrkistan qalasynyń ákimi Nurbol Turashbekov bul olqylyqtardy joiý boiynsha jumys atqarylǵanyn, baqylaýǵa alynǵanyn málimdedi.
Túrkistan oblysynyń qurylys basqarmasynyń basshysy T.Ýsýbaliev qurylys salasyndaǵy sybailas jemqorlyqtyń aldyn alý jumystary jóninde esep berdi.
Al Túrkistan oblysynyń ekonomikalyq tergep-tekserý departamentiniń 1-shi jedel basqarmasynyń basshysy D.Tobataev pen QR Qarjy ministrligi, Memlekettik kirister komitetiniń Túrkistan oblysy boiynsha memlekettik kirister departamentiniń basshysy M.Nurahaev «kóleńkeli ekonomikaǵa» qarsy is-qimyl jónindegi sharalardyń iske asyrý barysy týraly derekterdi usyndy.
2023 jyldyń 3 aiynda kóleńkeli ekonomikaǵa qarsy kúres boiynsha zańsyz alkogol ónimin óndiretin 2 jerasty tsehy, 2500 litr kóleminde alkogol ónimi tabylǵan. Tárkilengen daiyn ónimdi saqtaýǵa arnalǵan qoima, kólemi 1200 litrden astam etil spirti joiylǵan.
Sonymen birge kontrabandalyq taýarlarǵa, qarjy piramidalaryna, zańsyz temeki ainalymyna qarsy kúres júrip jatyr. Janar-jaǵarmaidy kórshi elge zańsyz ótkizýdiń 38 deregi anyqtaldy, 11.32 tonna munai ónimi tárkilenip, 1 mln. teńgeden astam aiyppul óndirildi.
Odan bólek, munai ónimderin zańsyz áketýdiń derekterin boldyrmaý maqsatynda memlekettik shekarada anyqtalǵan 94 fakti boiynsha 2 341 litr benzin men 25 335 litr dizel otyny sotpen tárkilenip, 1,5 mln teńgeden astam aiyppul memleket qazynasyna túsken.
Munai óniminiń zańsyz ainalymyn aldyn alý boiynsha 2 salyq tóleýshi anyqtaldy, 10109 litr munai ónimderi tárkilenip, 86250 teńge aiyppul alynǵan. 2023 jyldyń 1 toqsanyna tiisti litsenziia almai jumys istep jatqan salyq tóleýshilerge túsindirme jumystary júrgizilip, 63 salyq tóleýshi litsenziia aldy. Aktsizdelinetin ónimderdiń ainalymyna taldaý júrgizý barysynda, respýblikalyq biýdjetke 7 261,3 myń teńge, jergilikti biýdjetke 12 073,4 myń teńge óndirildi.
2023 jyldyń 1 toqsan qorytyndysymen 911 salyq salý nysany qaita baǵalanyp, biýdjetke 149 731 400 teńge eseptelgen.
Túrkistan oblysy ákimdiginiń janyndaǵy sybailas jemorlyqqa qarsy is-qimyl máseleleri jónindegi komissiiasy bul baǵyttaǵy jumysty jalǵastyrady.
