Patsan bala Shymkenttiń «Qurmetti azamaty» boldy
Belgili ánshige Shymkent qalasynyń «Qurmetti azamyty» degen ataqty berý týraly usynysty Shymkent qalasynyń ákimi Ǵabidýlla Abdrahimov jasapty.
Ákimniń usynysyn Shymkent qalasynyń máslihatynyń depýtattary «bul balanyń Shymkentke qandai eńbegi sińgen edi?» dep suramastan bir aýyzdan qoldaǵan.
Sol siiaqty Qairat Nurtas ta «Aǵaiyn-aý, Shymkent qalasyna bálendei eńbegim sińgen joq, bul artyqtaý...» dep aitpaǵan.
Iá, Qairat Nurtastyń 1989 jyly qazirgi Túrkistan oblysynda týǵanyn bilemiz. Shymkenttiń ákimi ánshige qalanyń «Qurmetti azamaty» degen ataqty qandai eńbegi úshin bergenin ashyp aitqan joq.
Eger Qairat ataqty ónerge sińirgen eńbegi boiynsha alsa, marapatty Mádeniet ministrligi berýi kerek edi.
Aldaǵy ýaqytta Shymkenttiń ákimi mereke saiyn Shymqalaǵa kelip án salǵan ánshilerge ataq pen marapat tartsa tańqalmańyz. Qalai desek te, Ǵabidýlla myrza Baýyrjan Baibektiń aldyn orap ketti.
Bul ataqty Qairattan qyzǵanyp otyrǵan joqpyz. Jalpy, Qairat Nurtas ataqtan kende emes qoi. Ózi ósken qalasy Almatynyń ákimi Baýyrjan Baibek Almatynyń «Qurmeti azamaty» ataǵyn berse de qylshyǵymyz qisaimady.
Shyraily Shymkenttiń damýy úshin jarǵaq qulaǵy jastyqqa timei eńbektengen talai azamat bar ekenin bilemiz. Sondai azamattar turǵanda patsan balanyń qalanyń «Qurmetti azamaty» bolyp jatqanyn aqylǵa syidyra almadyq.
Álde ataq degenińiz toida taratatyn jyrtysqa ainalyp ketti me? Kim bilsin? Álde ákimderdiń marapat taratýdan basqa jumysy joq pa?
Nurlan ÁÝBÁKIR
