پاتسان بالا شىمكەنتتٸڭ «قۇرمەتتٸ ازاماتى» بولدى
بەلگٸلٸ ەنشٸگە شىمكەنت قالاسىنىڭ «قۇرمەتتٸ ازامىتى» دەگەن اتاقتى بەرۋ تۋرالى ۇسىنىستى شىمكەنت قالاسىنىڭ ەكٸمٸ عابيدۋللا ابدراحيموۆ جاساپتى.
ەكٸمنٸڭ ۇسىنىسىن شىمكەنت قالاسىنىڭ مەسليحاتىنىڭ دەپۋتاتتارى «بۇل بالانىڭ شىمكەنتكە قانداي ەڭبەگٸ سٸڭگەن ەدٸ?» دەپ سۇراماستان بٸر اۋىزدان قولداعان.
سول سيياقتى قايرات نۇرتاس تا «اعايىن-اۋ, شىمكەنت قالاسىنا بەلەندەي ەڭبەگٸم سٸڭگەن جوق, بۇل ارتىقتاۋ...» دەپ ايتپاعان.
يە, قايرات نۇرتاستىڭ 1989 جىلى قازٸرگٸ تٷركٸستان وبلىسىندا تۋعانىن بٸلەمٸز. شىمكەنتتٸڭ ەكٸمٸ ەنشٸگە قالانىڭ «قۇرمەتتٸ ازاماتى» دەگەن اتاقتى قانداي ەڭبەگٸ ٷشٸن بەرگەنٸن اشىپ ايتقان جوق.
ەگەر قايرات اتاقتى ٶنەرگە سٸڭٸرگەن ەڭبەگٸ بويىنشا السا, ماراپاتتى مەدەنيەت مينيسترلٸگٸ بەرۋٸ كەرەك ەدٸ.
الداعى ۋاقىتتا شىمكەنتتٸڭ ەكٸمٸ مەرەكە سايىن شىمقالاعا كەلٸپ ەن سالعان ەنشٸلەرگە اتاق پەن ماراپات تارتسا تاڭقالماڭىز. قالاي دەسەك تە, عابيدۋللا مىرزا باۋىرجان بايبەكتٸڭ الدىن وراپ كەتتٸ.
بۇل اتاقتى قايراتتان قىزعانىپ وتىرعان جوقپىز. جالپى, قايرات نۇرتاس اتاقتان كەندە ەمەس قوي. ٶزٸ ٶسكەن قالاسى الماتىنىڭ ەكٸمٸ باۋىرجان بايبەك الماتىنىڭ «قۇرمەتٸ ازاماتى» اتاعىن بەرسە دە قىلشىعىمىز قيسايمادى.
شىرايلى شىمكەنتتٸڭ دامۋى ٷشٸن جارعاق قۇلاعى جاستىققا تيمەي ەڭبەكتەنگەن تالاي ازامات بار ەكەنٸن بٸلەمٸز. سونداي ازاماتتار تۇرعاندا پاتسان بالانىڭ قالانىڭ «قۇرمەتتٸ ازاماتى» بولىپ جاتقانىن اقىلعا سىيدىرا المادىق.
ەلدە اتاق دەگەنٸڭٸز تويدا تاراتاتىن جىرتىسقا اينالىپ كەتتٸ مە? كٸم بٸلسٸن? ەلدە ەكٸمدەردٸڭ ماراپات تاراتۋدان باسقا جۇمىسى جوق پا?
نۇرلان ەۋبەكٸر
