Qatar, Saýd Arabıasy, BAÁ, Kýveıt, Oman jáne Bahreınniń syrtqy ister mınıstrleri Iran tarapynan jasalǵan soqqylarǵa jaýap beretinderin málimdedi, dep habarlaıdy Dalanews.kz.

Birlesken otyrys qorytyndysy boıynsha jarıalanǵan málimdemede Parsy shyǵanaǵy elderi óz qaýipsizdigi men turaqtylyǵyn, sondaı-aq aýmaǵyn, azamattary men turaqty turǵyndaryn qorǵaý úshin barlyq qajet sharany qabyldaıtyny aıtylǵan. Qujatta qajet bolǵan jaǵdaıda agresıaǵa jaýap qaıtarý múmkindigi de qarastyrylatyny atalyp ótken.

Mınıstrler óz elderiniń halyqaralyq quqyqqa sáıkes "jaýap berý jáne ózin-ózi qorǵaý jónindegi zańdy quqyǵyn" saqtaıtynyn jetkizdi. Sonymen qatar olar Iranǵa shabýyldardy dereý toqtatýǵa shaqyrdy.