قاتار، ساۋد ارابياسى، ءباا، كۋۆەيت، ومان جانە باحرەيننىڭ سىرتقى ىستەر مينيسترلەرى يران تاراپىنان جاسالعان سوققىلارعا جاۋاپ بەرەتىندەرىن مالىمدەدى، دەپ حابارلايدى Dalanews.kz.
بىرلەسكەن وتىرىس قورىتىندىسى بويىنشا جاريالانعان مالىمدەمەدە پارسى شىعاناعى ەلدەرى ءوز قاۋىپسىزدىگى مەن تۇراقتىلىعىن، سونداي-اق اۋماعىن، ازاماتتارى مەن تۇراقتى تۇرعىندارىن قورعاۋ ءۇشىن بارلىق قاجەت شارانى قابىلدايتىنى ايتىلعان. قۇجاتتا قاجەت بولعان جاعدايدا اگرەسسياعا جاۋاپ قايتارۋ مۇمكىندىگى دە قاراستىرىلاتىنى اتالىپ وتكەن.
مينيسترلەر ءوز ەلدەرىنىڭ حالىقارالىق قۇقىققا سايكەس "جاۋاپ بەرۋ جانە ءوزىن-وزى قورعاۋ جونىندەگى زاڭدى قۇقىعىن" ساقتايتىنىن جەتكىزدى. سونىمەن قاتار ولار يرانعا شابۋىلداردى دەرەۋ توقتاتۋعا شاقىردى.
