Qazaqstan Konstitýtsiiasyna ózgerister men tolyqtyrýlar tek jalpyulttyq referendým arqyly ǵana engiziledi. Bul týraly Konstitýtsiialyq sot tóraǵasynyń orynbasary Baqyt Nurmuhanov málimdedi, dep habarlaidy Dalanews.kz.
Nurmuhanovtyń aitýynsha, mundai printsipti ustanymǵa Prezident Qasym-Jomart Toqaev erekshe nazar aýdarǵan.
«Memleket basshysy Konstitýtsiiaǵa kez kelgen túzetý tek referendým arqyly engizilýi qajet ekenin atap ótti. Osyǵan bailanysty jobada Negizgi zańǵa ózgerister men tolyqtyrýlar Prezidenttiń sheshimimen tek jalpyulttyq referendým arqyly ǵana júzege asyrylatyny bekitildi», — dedi Nurmuhanov.
Konstitýtsiialyq sot tóraǵasynyń orynbasary jańa Konstitýtsiia jobasynda Parlament arqyly konstitýtsiialyq túzetýler engizý múmkindigi tolyqtai alynyp tastalatynyn aitty.
Sonymen qatar Baqyt Nurmuhanovtyń habarlaýynsha, qujatta referendým ótkizýge bastamashy bola alatyn sýbektilerdiń aiasyn keńeitetin jańa norma qarastyrylǵan.
«Osy máselege bailanysty jalpyulttyq referendým ótkizý týraly Prezidentke usynys engize alatyn sýbektiler qataryna qosymsha túrde Halyq keńesi engiziledi», — dep tolyqtyrdy ol.
