Elordada "Baiqońyr" aýdanynyń ákimi paraǵa 4 mln teńge jáne jańa iPhone alǵan dep aiyptaldy, dep jazady "Vremia" basylymy.
"Baiqońyr" aýdanynyń ákimi Asqar Esilovti dúisenbide sybailas jemqorlyqqa qarsy qyzmettiń qyzmetkerleri ustady. Joǵary laýazymdy sheneýnik óziniń týysynan milliondaǵan teńge men quny 550 000 teńge turatyn 11Pro 256 GB "Aifonyn" para retinde aldy dep kúdikke ilindi.
Dúisenbi kúni keshke aýdan ákiminiń ustalǵany týraly sybys tarai bastady. Seisenbi kúni tańerteń óz aqparat kózderine silteme jasai otyryp, saiasattanýshy Erbol Edilov bul týraly Telegramm arnasynda jazdy, biraq eshqandai naqty málimetter aitylmady. Ol aqparat resmi túrde rastalmaǵandyqtan, belgili bir deńgeide kúmán týdy. "Vremianyń" tilshisine belgili bolǵandai, Asqar Esilov shynymen de 20 qańtarda tergeý izoliatoryna qamalǵan, biraq ol, ádettegidei, qylmys ústinde ustalmaǵan. Astanadaǵy sybailas jemqorlyqqa qarsy kúres qyzmetkerleri onyń izine túskenine bir aidyń júzi bolypty, olar sheneýnikti júieli túrde para alady dep kúdikke alyp, syrtynan baqylaǵan.
Belgili bolǵandai, aqsha men qymbat syilyqtardy Esilovke onyń týysy – Nurtazin degen adam bergen. Ótken jyldyń 18 qarashasynda ol aýdan ákimine 4 million teńge men quny jarty million bolatyn jańadan shyqqan "Aifon-11"-di syiǵa tartqan.
Bul aqsha, tergeýdiń boljamy boiynsha, tenderdegi utystyń syiaqysy bolyp tabylady. Atap aitsaq, Nurtazinmen bailanysty kompaniia 72 million teńgege jalpy aýmaqty abattandyrýǵa tapsyrys alǵan.
Sheneýniktiń kinásin Esilov pen Nurtazinniń telefondaǵy áńgimeleriniń jazbasy, sondai-aq ákimniń úiinen tintý kezinde tabylǵan iPhone rastaidy. Taýardyń kepil qujatynda "Satyp alýshy" degen baǵanda Nurtazinniń tegi kórsetilgen. Sondai-aq, qymbat model satyp alynǵan Esil saýda úiiniń uialy telefondarynyń satýshysy da Nurtazindi tanyp, bul faktini rastap otyr. Sheneýniktiń týysynyń aýdan ákimdigimen ózara bailanysy baryn osy jaǵdaida qatysty suraq-jaýap alynǵan memlekettik organ qyzmetkerleri de rastady.
Asqar Esilov Qylmystyq kodekstiń 366-baby, iaǵni "Para alý" boiynsha kúdikti retinde tanyldy, al onyń týysy Nurtazin Qylmystyq kodeksiniń 367-babynyń 2-bóligi boiynsha "para berdi" dep aiyptalýda.
