ەلوردادا "بايقوڭىر" اۋدانىنىڭ ەكٸمٸ پاراعا 4 ملن تەڭگە جەنە جاڭا iPhone العان دەپ ايىپتالدى, دەپ جازادى "ۆرەميا" باسىلىمى.
"بايقوڭىر" اۋدانىنىڭ ەكٸمٸ اسقار ەسٸلوۆتٸ دٷيسەنبٸدە سىبايلاس جەمقورلىققا قارسى قىزمەتتٸڭ قىزمەتكەرلەرٸ ۇستادى. جوعارى لاۋازىمدى شەنەۋنٸك ٶزٸنٸڭ تۋىسىنان ميلليونداعان تەڭگە مەن قۇنى 550 000 تەڭگە تۇراتىن 11Pro 256 GB "ايفونىن" پارا رەتٸندە الدى دەپ كٷدٸككە ٸلٸندٸ.
دٷيسەنبٸ كٷنٸ كەشكە اۋدان ەكٸمٸنٸڭ ۇستالعانى تۋرالى سىبىس تاراي باستادى. سەيسەنبٸ كٷنٸ تاڭەرتەڭ ٶز اقپارات كٶزدەرٸنە سٸلتەمە جاساي وتىرىپ, ساياساتتانۋشى ەربول ەدٸلوۆ بۇل تۋرالى تەلەگرامم ارناسىندا جازدى, بٸراق ەشقانداي ناقتى مەلٸمەتتەر ايتىلمادى. ول اقپارات رەسمي تٷردە راستالماعاندىقتان, بەلگٸلٸ بٸر دەڭگەيدە كٷمەن تۋدى. "ۆرەميانىڭ" تٸلشٸسٸنە بەلگٸلٸ بولعانداي, اسقار ەسٸلوۆ شىنىمەن دە 20 قاڭتاردا تەرگەۋ يزولياتورىنا قامالعان, بٸراق ول, ەدەتتەگٸدەي, قىلمىس ٷستٸندە ۇستالماعان. استاناداعى سىبايلاس جەمقورلىققا قارسى كٷرەس قىزمەتكەرلەرٸ ونىڭ ٸزٸنە تٷسكەنٸنە بٸر ايدىڭ جٷزٸ بولىپتى, ولار شەنەۋنٸكتٸ جٷيەلٸ تٷردە پارا الادى دەپ كٷدٸككە الىپ, سىرتىنان باقىلاعان.
بەلگٸلٸ بولعانداي, اقشا مەن قىمبات سىيلىقتاردى ەسٸلوۆكە ونىڭ تۋىسى – نۇرتازين دەگەن ادام بەرگەن. ٶتكەن جىلدىڭ 18 قاراشاسىندا ول اۋدان ەكٸمٸنە 4 ميلليون تەڭگە مەن قۇنى جارتى ميلليون بولاتىن جاڭادان شىققان "ايفون-11"-دٸ سىيعا تارتقان.
بۇل اقشا, تەرگەۋدٸڭ بولجامى بويىنشا, تەندەردەگٸ ۇتىستىڭ سىياقىسى بولىپ تابىلادى. اتاپ ايتساق, نۇرتازينمەن بايلانىستى كومپانييا 72 ميلليون تەڭگەگە جالپى اۋماقتى اباتتاندىرۋعا تاپسىرىس العان.
شەنەۋنٸكتٸڭ كٸنەسٸن ەسٸلوۆ پەن نۇرتازيننٸڭ تەلەفونداعى ەڭگٸمەلەرٸنٸڭ جازباسى, سونداي-اق ەكٸمنٸڭ ٷيٸنەن تٸنتۋ كەزٸندە تابىلعان iPhone راستايدى. تاۋاردىڭ كەپٸل قۇجاتىندا "ساتىپ الۋشى" دەگەن باعاندا نۇرتازيننٸڭ تەگٸ كٶرسەتٸلگەن. سونداي-اق, قىمبات مودەل ساتىپ الىنعان ەسٸل ساۋدا ٷيٸنٸڭ ۇيالى تەلەفوندارىنىڭ ساتۋشىسى دا نۇرتازيندٸ تانىپ, بۇل فاكتٸنٸ راستاپ وتىر. شەنەۋنٸكتٸڭ تۋىسىنىڭ اۋدان ەكٸمدٸگٸمەن ٶزارا بايلانىسى بارىن وسى جاعدايدا قاتىستى سۇراق-جاۋاپ الىنعان مەملەكەتتٸك ورگان قىزمەتكەرلەرٸ دە راستادى.
اسقار ەسٸلوۆ قىلمىستىق كودەكستٸڭ 366-بابى, ياعني "پارا الۋ" بويىنشا كٷدٸكتٸ رەتٸندە تانىلدى, ال ونىڭ تۋىسى نۇرتازين قىلمىستىق كودەكسٸنٸڭ 367-بابىنىڭ 2-بٶلٸگٸ بويىنشا "پارا بەردٸ" دەپ ايىپتالۋدا.
