Jetisý oblysy bilim basqarmasynyń Panfilov aýdany boiynsha bilim bólimi dárethana qaǵazyn shekten tys qymbat baǵaǵa satyp almaq, dep habarlaidy Dalanews.kz.
Memlekettik satyp alý portalyndaǵy derekterge súiensek, 2025 jyldyń 17 qarashasynda bilim bólimi “Veiro Professional Premium T308” markaly dárethana qaǵazynyń 3200 oramyn satyp alýǵa baiqaý jariialaǵan. 4 oramnan turatyn bir qaptama dárethana qaǵazynyń baǵasy 3000 teńge, al jalpy somasy 9 million 600 myń teńge dep kórsetilgen eken.
Alaida ashyq internet-dúkenderdegi baǵamen salystyrǵanda, bul soma qisynsyz kórinedi. Onda dál osy ónimniń 4 oramnan turatyn qaptamasy orta eseppen 595 teńge turady. Iaǵni, bilim bólimi kórsetken baǵa naryqtaǵy qunynan 5 ese qymbat.
Kelisimshart “Memlekettik satyp alý týraly” zańnyń 38-1-baby negizinde jasalǵan.
Panfilov aýdany mektepterine arnalǵan qarapaiym dárethana qaǵazynyń baǵasy ne sebepti birneshe ese qymbat kórsetilgeni ázirge belgisiz.
