جەتىسۋ وبلىسى ءبىلىم باسقارماسىنىڭ پانفيلوۆ اۋدانى بويىنشا ءبىلىم ءبولىمى دارەتحانا قاعازىن شەكتەن تىس قىمبات باعاعا ساتىپ الماق، دەپ حابارلايدى Dalanews.kz.
مەملەكەتتىك ساتىپ الۋ پورتالىنداعى دەرەكتەرگە سۇيەنسەك، 2025 جىلدىڭ 17 قاراشاسىندا ءبىلىم ءبولىمى “Veiro Professional Premium T308” ماركالى دارەتحانا قاعازىنىڭ 3200 ورامىن ساتىپ الۋعا بايقاۋ جاريالاعان. 4 ورامنان تۇراتىن ءبىر قاپتاما دارەتحانا قاعازىنىڭ باعاسى 3000 تەڭگە، ال جالپى سوماسى 9 ميلليون 600 مىڭ تەڭگە دەپ كورسەتىلگەن ەكەن.
الايدا اشىق ينتەرنەت-دۇكەندەردەگى باعامەن سالىستىرعاندا، بۇل سوما قيسىنسىز كورىنەدى. وندا ءدال وسى ءونىمنىڭ 4 ورامنان تۇراتىن قاپتاماسى ورتا ەسەپپەن 595 تەڭگە تۇرادى. ياعني، ءبىلىم ءبولىمى كورسەتكەن باعا نارىقتاعى قۇنىنان 5 ەسە قىمبات.
كەلىسىمشارت “مەملەكەتتىك ساتىپ الۋ تۋرالى” زاڭنىڭ 38-1-بابى نەگىزىندە جاسالعان.
پانفيلوۆ اۋدانى مەكتەپتەرىنە ارنالعان قاراپايىم دارەتحانا قاعازىنىڭ باعاسى نە سەبەپتى بىرنەشە ەسە قىمبات كورسەتىلگەنى ازىرگە بەلگىسىز.
