Qazaqstan azamattarynyń offshorda jatqan zańsyz aqshalary anyqtaldy. Bul arada, shamamen 1,4 mlrd teńge týraly sóz bolyp otyr. Kóbisi, Panama, Vanýatý, San-Marino araldarynan tabyldy, dep habarlaidy Dalanews.kz.
"Qazirgi tańda offshorlyq iýrisdiktsiialarda ashylǵan azamattarymyzdyń banktik shottaryndaǵy aqsha somasy 1,4 mlrd teńgeni quraitynyn aita keteiik. Eń kóp soma Panama respýblikasy 1,2 mlrd teńge, Vanýatý 0,2 mlrd teńge, San-Marino 0,1 mlrd teńge siiaqty elderge jáne t. b. tiesili", delingen Memlekettik kirister komitetiniń búgin bólisken habarlamasynda.
Sondai-aq QR Qarjy ministrliginiń Memlekettik kirister komiteti shet memleketterdiń salyq organdarynan alynǵan aqparat negizinde Qazaqstannyń 2 myńnan astam rezidentine tekserý júrgizdi. Nátijesinde 1 602 qazaqstandyq 5,4 mlrd teńge somasyna JTS tóledi. Alynǵan kiristerden, sonyń ishinde dividendter men syiaqylar túrindegi eń kóp soma Birikken Arab Ámirlikteri, Ulybritaniia, Qytai Halyq Respýblikasy, Túrkiia jáne t. b. elderge tiesili.
"Jyl saiyn EYDU-ǵa qatysýshy elderdiń quzyretti organdary avtomatty almasýdyń biryńǵai standarty (CRS) sheńberinde jeke jáne zańdy tulǵalardyń, sondai-aq benefitsiarlyq menshik ieleriniń shottary týraly derektermen almasady. Derekter almasýdyń arqasynda Qazaqstan biýdjetine 5,4 mlrd teńge tústi. Qazaqstan CRS sheńberindegi yntymaqtastyq geografiiasyn keńeitýdi jalǵastyrýda. Eger 2021 jyly derekter almasý 51 iýrisdiktsiiamen júzege asyrylsa, 2024 jyly olardyń sany 89-ǵa jetti, onyń ishinde 26 offshorlyq el", delingen resmi vedomstvo habarlamasynda.
