Túrkistan oblysy Arys qalasyna qarasty Montaitas aýylynyń 21 jastaǵy jigiti, naýryz aiynyń 26-synan 27-sine qaraǵan túni, óziniń aýlasyndaǵy saraida asylyp, kóz jumǵan bolatyn.
Politseiler tergeý barysynda, 21 jastaǵy marqum bolǵan jigitke, óziniń aýyldasy quny 9 mln teńgelik avtokólikti kúshtep rásimdettirgeni belgili boldy.
Bul derekti marqumnyń anasy da, rastap otyr. Sebebi qolsómkesinde kóliktiń markasy men qunyn jazyp qaldyrǵan qolhaty bolǵan eken. Biraq,muny "Balamnyń satyp alǵysy kelip júrgen kóligi shyǵar.", - dep mán bermegen edik deidi anasy.
Osy atalǵan derek boiynsha marqumdy ólimge itermelegen kúdikti aýyldasynan suraq-jaýap alý jumystary júrgiziledi.
Eger kinási anyqtalsa QR Qylmystyq kodeksi 105-shi babymen, iaǵni «Jábirlenýshini qorqytý, oǵan qatygezdikpen qaraý nemese onyń adami qadir-qasietin únemi qorlaý arqyly adamdy ózin-ózi óltirýge deiin nemese ózin-ózi óltirýge barýǵa deiin jetkizý zańnamasymen, 3 jyldan 8 jylǵa deiingi merzimge bas bostandyǵynan aiyrylýy múmkin.
Qazir qylmysqa qatysy dep tanylǵan 25 jastaǵy jigitke sotqa deiingi tergeý amaldary júrgizilmek.
