Áleýmettik jeli men aýyzeki áńgimelerde Qytaidaǵy qazaq diasporasynan shyqqan belgili tulǵa Jánábil Symaǵululy týraly shýly oqiǵa jii aitylady. Ańyzǵa ainalǵan bul áńgimede saiasatker ózge ult ókiline turmysqa shyqpaq bolǵan qyzyn toi ústinde atyp óltirgeni baiandalady, dep habarlaidy dalanews.kz.
Jelide keń taraǵan áńgimege sensek, kezinde Úrimji qalasynyń basshylyǵynda qyzmet atqarǵan Jánábil Smaǵuldyń qyzy qytai jigitine turmysqa shyǵýǵa sheshim qabyldaidy. Ákesi oǵan qarsy bolǵanymen, qyz raiynan qaitpaidy. Aqyry eki jaq kelisip, toi ótetin kún belgilenedi.
Ańyz boiynsha, saltanatty sharaǵa óńirdiń bedeldi adamdary men joǵary laýazymdy tulǵalar jinalǵan. Toi ústinde jas jubailar ákesine iilip sálem bergen sátte, Jánábil Smaǵul tapansha shyǵaryp, óz qyzyn atyp jibergen desedi.
Keiin ol jinalǵan jurtqa:
«Bul meniń janymnan artyq kóretin qyzym edi. Biraq ultymdy odan da qatty súiemin», degen mazmunda sóz aitqany týraly aitylady.
Alaida bul áńgimeniń ras-ótirigine qatysty naqty tarihi dálelder joq. Ashyq derekkózderde, resmi ómirbaiandarda Jánábil Symaǵululynyń qyzyna qatysty mundai qylmys jasaǵany jóninde málimet kezdespeidi.
