ەلەۋمەتتٸك جەلٸ مەن اۋىزەكٸ ەڭگٸمەلەردە قىتايداعى قازاق دياسپوراسىنان شىققان بەلگٸلٸ تۇلعا جەنەبٸل سىماعۇلۇلى تۋرالى شۋلى وقيعا جيٸ ايتىلادى. اڭىزعا اينالعان بۇل ەڭگٸمەدە ساياساتكەر ٶزگە ۇلت ٶكٸلٸنە تۇرمىسقا شىقپاق بولعان قىزىن توي ٷستٸندە اتىپ ٶلتٸرگەنٸ باياندالادى, دەپ حابارلايدى dalanews.kz.
جەلٸدە كەڭ تاراعان ەڭگٸمەگە سەنسەك, كەزٸندە ٷرٸمجٸ قالاسىنىڭ باسشىلىعىندا قىزمەت اتقارعان جەنەبٸل سماعۇلدىڭ قىزى قىتاي جٸگٸتٸنە تۇرمىسقا شىعۋعا شەشٸم قابىلدايدى. ەكەسٸ وعان قارسى بولعانىمەن, قىز رايىنان قايتپايدى. اقىرى ەكٸ جاق كەلٸسٸپ, توي ٶتەتٸن كٷن بەلگٸلەنەدٸ.
اڭىز بويىنشا, سالتاناتتى شاراعا ٶڭٸردٸڭ بەدەلدٸ ادامدارى مەن جوعارى لاۋازىمدى تۇلعالار جينالعان. توي ٷستٸندە جاس جۇبايلار ەكەسٸنە يٸلٸپ سەلەم بەرگەن سەتتە, جەنەبٸل سماعۇل تاپانشا شىعارىپ, ٶز قىزىن اتىپ جٸبەرگەن دەسەدٸ.
كەيٸن ول جينالعان جۇرتقا:
«بۇل مەنٸڭ جانىمنان ارتىق كٶرەتٸن قىزىم ەدٸ. بٸراق ۇلتىمدى ودان دا قاتتى سٷيەمٸن», دەگەن مازمۇندا سٶز ايتقانى تۋرالى ايتىلادى.
الايدا بۇل ەڭگٸمەنٸڭ راس-ٶتٸرٸگٸنە قاتىستى ناقتى تاريحي دەلەلدەر جوق. اشىق دەرەككٶزدەردە, رەسمي ٶمٸربايانداردا جەنەبٸل سىماعۇلۇلىنىڭ قىزىنا قاتىستى مۇنداي قىلمىس جاساعانى جٶنٸندە مەلٸمەت كەزدەسپەيدٸ.
