Jetisý oblysynyń politsiia qyzmetkerleri "Zań men tártip" qaǵidaty aiasynda áleýmettik jelilerdegi quqyq buzýshylyqtardy anyqtaý jáne olardyń jolyn kesý baǵytyndaǵy jumystardy jalǵastyryp jatyr, dep habarlaidy dalanews.kz.
Internet keńistigine monitoring júrgizý barysynda politseiler TikTok áleýmettik jelisindegi tikelei efir kezinde qoǵamdyq tártipti buzý deregin anyqtady. Atap aitqanda, Taldyqorǵannyń 35 jastaǵy turǵyny Anelia Ermenbetova tikelei efir barysynda alkogoldik ishimdik iship, beiádep sózder aitqan.
Politsiia qyzmetkerleri áieldiń jeke basyn jedel anyqtap, tiisti sharalar qabyldady.
Sot sheshimimen quqyq buzýshy ákimshilik jaýapkershilikke tartylyp, oǵan aiyppul salyndy.
Politsiia azamattardy qoǵamdyq tártipti saqtaýǵa, ainalasyndaǵylarǵa qurmetpen qaraýǵa jáne qoǵamda ózara syilastyq pen tártip qaǵidattaryn ustanýǵa shaqyrady. Árbir azamat óz áreketine jaýapkershilikpen qarap, zań talaptaryn saqtaýy tiis. Quqyqqa qaishy kez kelgen áreket úshin zańnamada belgilengen tártippen jaýapkershilik kózdelgen.
