Tanymal prodiýser ári ánshi Móldir Muqanova ózine arnaiy izdep kelgen er azamat týraly aityp, kópshilikti kúldirdi. Óner iesiniń toida aitqan áńgimesi áleýmettik jelide qyzý talqylandy.
Móldir Muqanova jaqyndarynyń basqosýynda Hantóre esimdi jigittiń kútpegen áreketin eske alǵan. Onyń aitýynsha, álgi azamat sózge sheshen, ár oiyn maqal-mátelmen jetkizip, áńgimelesken adamnyń kózine tike qaraityn jigit eken.
Prodiýser bir kúni Hantóreniń úiine arnaiy kelip, óziniń hal-jaǵdaiyn suraǵanyn jetkizdi. Ásirese jigittiń ózin «apai» nemese «táte» demei, esimimen ataǵany qyzyq kóringen.
"Meni jas kórdi me eken, "apai" ne "táte" demei, birden atymmen atady", – dep kúlip eske aldy.
Óner iesiniń sózinshe, Hantóre kelgen kezde ózi úide bolmaǵan. Jigit onyń suhbatyn kórgennen keiin kóńil kúiine alańdap, arnaiy jaǵdaiyn bilýge barǵan.
"Móldirdiń jaǵdaiy jaqsy ma? Suhbatyn kórip, muńaiyp qaldym", – degen eken ol.
Móldir Muqanova osy oqiǵany ázilge ainaldyryp, sońǵy ýaqytta kútpegen adamdardyń ózine erekshe kóńil bólip júrgenin aitty.
"Jaǵdaiymdy surap, esigimdi qaqqan erkek qoi. Kútken erkek emes, kútpegen erkekter jaǵdaiymyzdy surap, esigimizdi qaǵyp jatyr", – dep sózin túiindedi prodiýser.
Ánshiniń ázil aralas áńgimesi toiǵa jinalǵan qaýymdy kúlkige qaryq qyldy.
