Qazaqstanda eńbekke qabilettiliginen jáne asyraýshysynan aiyrylǵan azamattarǵa beriletin áleýmettik tólemderdi kelesi jyldyń basynan bastap 8,5%-ǵa kóbeitý josparlanyp otyr, dep habarlaidy dalanews.kz.
Bul bastamany Eńbek jáne halyqty áleýmettik qorǵaý ministrligi usyndy. Ózgeris Memlekettik áleýmettik saqtandyrý qorynan tólenetin, buǵan deiin taǵaiyndalǵan tólemderge qatysty bolmaq.
Máselen, qazir ai saiyn 60 myń teńge alatyn azamattyń tólemi usynys maquldanǵan jaǵdaida 65 100 teńgege deiin ósedi.
Tiisti qaýly jobasy «Ashyq NQA» portalynda jariialandy. Qujatqa qatysty qoǵamdyq talqylaý 2 qarashaǵa deiin jalǵasady.
Aita keteiik, 2026 jylǵy qańtardan bastap eńbekke qabilettiliginen jáne asyraýshysynan aiyrylý boiynsha áleýmettik tólemder 10%-ǵa kóbeitilgen edi.
