Ózbekter Shymkenttegi qurylysty jumys kúshimen qamtyýǵa daiyn
Kezdesýde taraptar saýda-ekonomikalyq, mádeni-gýmanitarlyq qarym-qatynastardy nyǵaitý men halyqaralyq týrizmdi damytýǵa baǵyttalǵan ózara yntymaqtastyq máselelerin talqylady.
Sondai-aq, COVID-19 pandemiiasy jaǵdaiynda ekonomikalyq turaqtylyq pen eńbek migratsiiasy jaiynda sóz qozǵady.
Bas konsýl óz sózinde eńbek migratsiiasy halyqaralyq ekonomikalyq qatynastardyń bir bóligine ainalǵanyn aityp, pandemiiaǵa bailanysty jumysshy kúshin qabyldaityn ońtaily júie jasaýdy usyndy.
– Shymkentte iri ónerkásip oryndary men qurylys salasynda kóptegen nysan qurylystary júrgizilýde. Jumys berýshilerden ótinim kelip tússe biz taraptan jumys kúshimen qamtamasyz etýge daiynbyz. Ol úshin Qazaqstannyń jumys berýshileri Ózbekstan tarapynan suratylǵan tiisti qujat toptamasyn usynyp, ótinim bildirse jetkilikti, – dedi Abror Fathýllaev.
Shymkentte qurylys jumystarynyń qarqyny karantin kezinde de báseńdemegenin aitqan qala basshysy búginde jumys kúshiniń qajet ekenin jetkizdi.
Kezdesýdiń qorytyndysy boiynsha taraptar ózara yntymaqtastyqty nyǵaitýǵa múddeli ekendigin bildirdi.
