ٶزبەكتەر شىمكەنتتەگٸ قۇرىلىستى جۇمىس كٷشٸمەن قامتىۋعا دايىن
كەزدەسۋدە تاراپتار ساۋدا-ەكونوميكالىق, مەدەني-گۋمانيتارلىق قارىم-قاتىناستاردى نىعايتۋ مەن حالىقارالىق تۋريزمدٸ دامىتۋعا باعىتتالعان ٶزارا ىنتىماقتاستىق مەسەلەلەرٸن تالقىلادى.
سونداي-اق, COVID-19 پاندەميياسى جاعدايىندا ەكونوميكالىق تۇراقتىلىق پەن ەڭبەك ميگراتسيياسى جايىندا سٶز قوزعادى.
باس كونسۋل ٶز سٶزٸندە ەڭبەك ميگراتسيياسى حالىقارالىق ەكونوميكالىق قاتىناستاردىڭ بٸر بٶلٸگٸنە اينالعانىن ايتىپ, پاندەميياعا بايلانىستى جۇمىسشى كٷشٸن قابىلدايتىن وڭتايلى جٷيە جاساۋدى ۇسىندى.
– شىمكەنتتە ٸرٸ ٶنەركەسٸپ ورىندارى مەن قۇرىلىس سالاسىندا كٶپتەگەن نىسان قۇرىلىستارى جٷرگٸزٸلۋدە. جۇمىس بەرۋشٸلەردەن ٶتٸنٸم كەلٸپ تٷسسە بٸز تاراپتان جۇمىس كٷشٸمەن قامتاماسىز ەتۋگە دايىنبىز. ول ٷشٸن قازاقستاننىڭ جۇمىس بەرۋشٸلەرٸ ٶزبەكستان تاراپىنان سۇراتىلعان تيٸستٸ قۇجات توپتاماسىن ۇسىنىپ, ٶتٸنٸم بٸلدٸرسە جەتكٸلٸكتٸ, – دەدٸ ابرور فاتحۋللاەۆ.
شىمكەنتتە قۇرىلىس جۇمىستارىنىڭ قارقىنى كارانتين كەزٸندە دە بەسەڭدەمەگەنٸن ايتقان قالا باسشىسى بٷگٸندە جۇمىس كٷشٸنٸڭ قاجەت ەكەنٸن جەتكٸزدٸ.
كەزدەسۋدٸڭ قورىتىندىسى بويىنشا تاراپتار ٶزارا ىنتىماقتاستىقتى نىعايتۋعا مٷددەلٸ ەكەندٸگٸن بٸلدٸردٸ.
