Ózbekstanda jazasyn ótep jatqan áıelderge joǵary oqý oryndaryna túsip, qashyqtan bilim alýǵa jáne túrli kásipti meńgerýge múmkindik jasalmaq, dep habarlaıdy Dalanews.kz.

Bul týraly el prezıdenti Shavkat Mırzıaev Halyqaralyq áıelder kúnine arnalǵan saltanatty jıynda málimdedi.

Memleket basshysynyń aıtýynsha, qazirgi tańda jazany óteý mekemelerinde 2589 áıel bar. Olardyń 1239-y orta bilim alǵanymen, belgili bir mamandyqty ıgermegen.

Sondaı-aq 443 áıel joǵary oqý ornyna túsip, bilimin jalǵastyrǵysy keletinin bildirgen. Osyǵan baılanysty olardy qoǵamǵa beıimdeýge arnalǵan «Jańa ómir» baǵdarlamasy iske qosylady.

Baǵdarlama aıasynda sottalǵan áıelderge qashyqtan oqý múmkindigi berilip, túrli kásip túrlerin meńgerýge jaǵdaı jasalady.