ٶزبەكستاندا جازاسىن ٶتەپ جاتقان ەيەلدەرگە جوعارى وقۋ ورىندارىنا تٷسٸپ, قاشىقتان بٸلٸم الۋعا جەنە تٷرلٸ كەسٸپتٸ مەڭگەرۋگە مٷمكٸندٸك جاسالماق, دەپ حابارلايدى Dalanews.kz.
بۇل تۋرالى ەل پرەزيدەنتٸ شاۆكات ميرزيياەۆ حالىقارالىق ەيەلدەر كٷنٸنە ارنالعان سالتاناتتى جيىندا مەلٸمدەدٸ.
مەملەكەت باسشىسىنىڭ ايتۋىنشا, قازٸرگٸ تاڭدا جازانى ٶتەۋ مەكەمەلەرٸندە 2589 ەيەل بار. ولاردىڭ 1239-ى ورتا بٸلٸم العانىمەن, بەلگٸلٸ بٸر ماماندىقتى يگەرمەگەن.
سونداي-اق 443 ەيەل جوعارى وقۋ ورنىنا تٷسٸپ, بٸلٸمٸن جالعاستىرعىسى كەلەتٸنٸن بٸلدٸرگەن. وسىعان بايلانىستى ولاردى قوعامعا بەيٸمدەۋگە ارنالعان «جاڭا ٶمٸر» باعدارلاماسى ٸسكە قوسىلادى.
باعدارلاما اياسىندا سوتتالعان ەيەلدەرگە قاشىقتان وقۋ مٷمكٸندٸگٸ بەرٸلٸپ, تٷرلٸ كەسٸپ تٷرلەرٸن مەڭگەرۋگە جاعداي جاسالادى.
