Ózbekstan prezidenti Shavkat Mirzieev qazaqstandyq BI Group holdinginiń CEO-sy Aidyn Raqymbaevty el aýmaǵynda investitsiialyq, infraqurylymdyq jáne áleýmettik jobalardy iske asyrýǵa qosqan úlesi úshin "Dўstlik" ordenimen marapattaý týraly Jarlyqqa qol qoidy, dep habarlaidy Dalanews.kz.
Marapattaý rásimi prezidenttiń kásipkerlermen jýyrda ótken kezdesýine orailastyrylǵan. Oǵan Raqymbaev qonaq retinde shaqyryldy. Prezident Mirzieev BI Group-tyń senimdi jáne áleýmettik jaýapty seriktes retindegi bedelin atap ótti. Ózbek naryǵynda bes jyl ishinde kompaniia qurylys salasynyń kóshbasshylarynyń qataryna kirip, jetekshi sheteldik investorlar arasyndaǵy pozitsiiany nyǵaitty.
BI Group - halyqaralyq naryqqa da shyǵatyn Qazaqstandaǵy iri kompaniia. Holdingtiń Qazaqstan, Ózbekstan, BAÁ jáne AQSh siiaqty segiz elde jobalary bar jáne ENR Top-250 álemdik reitingine kiredi. Fitch reiting agenttigi onyń enshilesi - BI Development Ltd-nyń 2025 jyldyń tamyzynda uzaq merzimdi BB reitingin "Turaqty" boljamymen rastady.
Buǵan deiin Raqymbaevtyń BI Group-tyń salyq daýyna qatysty túsinikteme bergenin jazǵanbyz.
