وزبەكستان پرەزيدەنتى شاۆكات ميرزيەيەۆ قازاقستاندىق BI Group حولدينگىنىڭ CEO-سى ايدىن راقىمبايەۆتى ەل اۋماعىندا ينۆەستيسيالىق، ينفراقۇرىلىمدىق جانە الەۋمەتتىك جوبالاردى ىسكە اسىرۋعا قوسقان ۇلەسى ءۇشىن "دўستليك" وردەنىمەن ماراپاتتاۋ تۋرالى جارلىققا قول قويدى، دەپ حابارلايدى Dalanews.kz.

ماراپاتتاۋ ءراسىمى پرەزيدەنتتىڭ كاسىپكەرلەرمەن جۋىردا وتكەن كەزدەسۋىنە ورايلاستىرىلعان. وعان راقىمبايەۆ قوناق رەتىندە شاقىرىلدى. پرەزيدەنت ميرزيەيەۆ BI Group-تىڭ سەنىمدى جانە الەۋمەتتىك جاۋاپتى سەرىكتەس رەتىندەگى بەدەلىن اتاپ ءوتتى. وزبەك نارىعىندا بەس جىل ىشىندە كومپانيا قۇرىلىس سالاسىنىڭ كوشباسشىلارىنىڭ قاتارىنا كىرىپ، جەتەكشى شەتەلدىك ينۆەستورلار اراسىنداعى پوزيسيانى نىعايتتى.

BI Group - حالىقارالىق نارىققا دا شىعاتىن قازاقستانداعى ءىرى كومپانيا.  حولدينگءتىڭ قازاقستان، وزبەكستان، ءباا جانە اقش سياقتى سەگىز ەلدە جوبالارى بار جانە ENR Top-250 الەمدىك رەيتينگىنە كىرەدى. Fitch رەيتينگ اگەنتتىگى ونىڭ ەنشىلەسى - BI Development Ltd-نىڭ 2025 جىلدىڭ تامىزىندا ۇزاق مەرزىمدى BB رەيتينگىن "تۇراقتى" بولجامىمەن راستادى.

بۇعان دەيىن راقىمبايەۆتىڭ BI Group-تىڭ سالىق داۋىنا قاتىستى تۇسىنىكتەمە بەرگەنىن جازعانبىز.