Aitpaqshy, ózbek prezidenti Shavkat Mirzieev resmi saparmen Máskeýde júrgen kezinde – Ózbekstannyń quzyrly oryndary osyndai qadamǵa barýdan basqa amaly qalmaǵandaryn jariia etti.
Óz kezeginde orystar da osyndai jaǵdaidyń oryn alatynyn erte bastan bilip, ózbek basshysynyń Máskeý sapary qarsańynda eldegi ózbek migranttaryn jinap, olardy jónsiz tergep-tekserip, qysym kórsetkenin bilemiz.
Al orystyń propagandisteri bolsa Ózbekstan quzyrly organdarynyń Yandex.Go platformasyna qatysty eskertýinen saiasi astar izdeýge tyrysty. Shyndyǵynda budan qandaida bir saiasi astar izdeýdiń jóni joq.
Ózbekstan táýelsiz memleket bolǵandyqtan, óz naryǵyna jumys istep, tabys taýyp júrgen kez kelgen kompaniiadan eldiń salyq organdaryna sheteldik salyq tóleýshi rezident retinde tirkelip, tiisti salyǵyn tóleýdi talap ete alady.
Al orystyń kompaniiasy jaman úidi qonaǵy bileidi degendei zań talaptaryn oryndamai jumys isteýi esh aqylǵa syimaidy. Sondyqtan ózbekterdiń óz elin jaman úige ainaldyrmaǵa kúsh salýy óte oryndy áreket.
Budan basqa ózbekter Iandeks.Taksi júiesiniń Ózbekstannyń salyq júiesine integratsiia jasap, klientterge fiskaldy chek berýin de talap etip otyr.
Qazaqstan da Yandex.Go platformasyna osyndai talaptardy batyl qoiatyn kez keldi. Biz de olardyń Qazaqstandy jaman úige ainaldyrýyna jol bermeýimiz kerek. Yandex.Go platformasy qazaqstandyq klientterine de chek berip, salyq tóleýi tiis.
