Qazir zardap shekkenderdiń ishinen 94 adam aýrýhanada jatyr, aýyr jaralanǵandar da bar. 149 adam alǵashqy kómek alyp, úilerine jiberilgen.
Bul derekterdi 4 shildede Ulttyq gvardiia men Ózbekstan bas prokýratýrasy brifingte málimdedi.
Buǵan qosa, politsiia 516 adamdy ustaǵany da aityldy. Ustalǵandarǵa qatysty tergeý júrip jatyr, keibirine ákimshilik jaza berilip, qamaýdan bosatyldy dedi brifingte.
Ulttyq gvardiianyń baspasóz hatshysy Davron Jumanazarov jaralanǵan 243 adamnyń 38-i – organ qyzmetkeri ekenin aitty. Onyń aitýynsha, organ ókilderi arasynda aýyr jaralanǵandar bar.
Ulttyq gvardiia ókili dúisenbiden bastap Qaraqalpaqstanda barlyq dúken, bazar, birja, bank, aýrýhanalar men áleýmettik nysanalar jumysyn bastaǵanyn; sý, jaryq, gaz da turǵyndarǵa qalypty rejimde berilip jatqanyn jetkizdi.
1 shildede Qaraqalpaqstanda jurt Ózbekstan Konstitýtsiiasyndaǵy ózgeristerge qarsy jappai narazylyqqa shyqqan. Tashkent Konstitýtsiiany ózgertip, Qaraqalpaqstandy "egemen" statýsynan jáne Ózbekstannan bóliný quqyǵynan aiyrmaq bolǵan.
2 shildede Ózbekstan prezidenti Shavkat Mirziiaev Núkiske baryp, Konstitýtsiiadaǵy Qaraqalpaqstanǵa qatysty baptar ózgermeitinin aityp, Qaraqalpaqstanda tótenshe jaǵdai jariialady. Aimaqqa Ulttyq gvardiia kúshteri engizilip, uialy telefon men internet jumysy nasharlady. 3 shildede Mirziiaev Qaraqalpaqstandaǵy narazylyq kezinde adam shyǵyny bolǵanyn moiyndady.
Qaraqalpaqstan - Ózbekstan aýmaǵynyń 40 paiyzyn alyp jatqan respýblika. Munda eki millionǵa jýyq adam turady, olardyń arasynda qaraqalpaqtar, ózbekter jáne qazaqtar bar. Qaraqalpaqstan respýblikasy 1925 jyly qurylyp, 1930 jylǵa deiin Qazaq CCR quramynda bolady. 1936 jyly Ózbek SSR quramyna qosylǵan.
1990 jyly 14 jeltoqsanda Ózbek SSR quramyndaǵy Qaraqalpaq avtonomdy respýblikasynyń parlamenti tolyq táýelsizdik alý jóninde deklaratsiia qabyldaǵan. Alaida 1993 jyly Ózbekstan men Qaraqalpaqstan kelisimge qol qoiyp, Qaraqalpaqstan 20 jyl Ózbekstan quramynda bolady dep kelisken.
Kelisimde Qaraqalpaqstan Ózbekstan quramynan referendým arqyly shyǵý quqyǵy qarastyrylǵan edi. 2013 jyly bul kelisimniń ýaqyty bitken, al ýáde qaǵaz kúiinde qaldy. Qazir Qaraqalpaqstannyń táýelsizdigi jaily aityp júrgen "Alǵa, Qarqalpaqstan" qozǵalysynyń músheleri Ózbekstandaǵy qysymnan soń shetelge ketken.
Derekkóz: azattyq.org
