Prezident janyndaǵy Ortalyq kommýnikatsiialar qyzmetinde ótken baspasóz konferentsiiasynda «Tsifrlyq kodeks – Qazaqstannyń tsifrlyq negizi» taqyryby keńinen talqylandy. Is-sharaǵa QR Jasandy intellekt jáne tsifrlyq damý vitse-ministri Dmitrii Mýn, Májilis depýtaty Ekaterina Smyshliaeva jáne ministrlik ókilderi qatysty, dep habarlaidy Dalanews.kz.
Jiyn barysynda Dalanews.kz. tilshisiniń tarapynan jasandy intellektiniń bilim berý salasyna áseri týraly suraq qoiyldy. Atap aitqanda, JI oqytý sapasyn qalai jaqsartady jáne aýyl men qala mektepteri arasyndaǵy alshaqtyqty azaita ala ma degen másele kóterildi.
Bul suraqqa jaýap bergen vitse-ministr Dmitrii Mýn jasandy intellektini tiimdi engizýdiń kilti muǵalimderdi oqytý ekenin atap ótti.
«Eń aldymen, muǵalimderdi jańa tehnologiialarmen jumys isteýge úiretý óte mańyzdy. Eger muǵalim tsifrlyq quraldardy durys paidalana alsa, ol sol bilimdi balalarǵa jetkizedi. Sonda ǵana jasandy intellekt oqýshynyń áleýetin ashatyn, bilim sapasyn arttyratyn naqty quralǵa ainalady», – dedi ol.
Spikerdiń aitýynsha, JI muǵalimdi almastyrmaidy, kerisinshe, onyń jumysyn jeńildetip, ár oqýshyǵa jeke tásilmen bilim berýge múmkindik jasaidy. Bul ásirese resýrsy shekteýli aýyl mektepteri úshin mańyzdy. Durys daiyndyqtan ótken pedagogtar arqyly tsifrlyq tehnologiialar óńirler arasyndaǵy bilim sapasyndaǵy aiyrmashylyqty azaita alady.
Jaýabyn jalǵastyrǵan Dmitrii Mýn qazirgi kezde oqýshylardyń jasandy intellektini úi tapsyrmasyn oryndaýda shamadan tys qoldana bastaǵanyna da toqtaldy.
«Qazir keibir balalar úi jumysyn oryndaǵanda JI-di shekten tys paidalanyp, ózderi oilanbai qoiady. Sonyń saldarynan mi jumys istemei, taldaý jasaý, logikalyq oilaý qabileti álsireýi múmkin. Sondyqtan biz balalardy emes, aldymen muǵalimderdi oqytýymyz kerek. Muǵalimder jasandy intellektini qalai durys qoldaný keregin úiretse, oqýshy da ony kómekshi qural retinde ǵana paidalanyp, óz betinshe oilanýdy saqtaidy», – dedi vitse-ministr.
Onyń aitýynsha, jasandy intellekt balanyń ornyna oilanbaýy kerek, kerisinshe, oilaýǵa kómektesetin quralǵa ainalýy tiis. Sol sebepti bilim berý júiesinde JI-di engizý mádenietin qalyptastyrý basty mindetterdiń biri.
Osylaisha, Tsifrlyq kodeks aiasynda jasandy intellektini bilim berý júiesine engizý tek tehnologiialyq jańarý emes, eń aldymen adami kapitaldy muǵalimderdi damytý arqyly júzege asatyn úderis ekeni basa aityldy.
