Bul týraly aqyn óziniń Facebook-tegi paraqshasynda jazdy.
Jazbada qańtar oqıǵasynan keıin polıseılerdiń Nazym esimdi qyzdy tergeý kezinde Rınat Zaıytov jaıly da suraǵany aıtylady.
"Qańtar oqıǵasynan keıin bizdiń eldegi polısıa jumysy tıtteı bolsa da jaqsy jaqqa ózgerýge tıis edi. Átteń. Qandy qańtarda bir mezette joq bolyp, tyǵylyp qalǵan saqshysymaqtar qaıta taırańdamaqshy eken.
Sózimniń dáleli myna kisi balasy. Esimi Almat Yrǵalıev eken.
Qazaqtyń qarshadaı qyzyn jazyqsyz, zańsyz kósheden ustap alyp, qylqyndyryp bólimge súıregen «Palýan». Nazym qaryndasymyzdy kabınetine kirgizip alyp,( janynda taǵy bireý bar) tergegen kezinde men jaıly da suraqtar qoıypty, – dep jazdy Rınat Zaıytov.
Aıtysker Naýryzbaı aýdandyq polısıa bólimshesine Nazymdy jáne bir top táýelsiz jýrnalısti ertip baratynyn aıtty.
"Bilgisi kelgenin erteń betime aıtsyn. Suraımyn. Ol kisi balasyna qazaq qyzdarynyń suraýy joq dep aıtqan kim? Qandaı zańǵa súıenip, qorǵansyz qyzǵa kúsh kórsetti? Zaıytovtan ekstremıst jasa dep kim buıyrdy? Osynsha qorlyqqa úndemeı otyratyn mal emespiz!
Q.K.Toqaev myrzanyń ýáde etken ózgeristeri shynymen bastalsa, pogonyn paıdalanyp, oıyna kelgenin isteıtin polıseılerdi jumystan shyǵaryp, jaýapqa tartýyn talap etemin", – dep jazdy Zaıytov.
Sondaı-aq ol joǵaryda aty atalǵan qyzmetkerdiń fotosyn da bólisken.
https://dalanews.kz/aimak/84544-qazaqstan-yenergetika-dagdarysynan-q
