Quryltai tóraǵasynyń orynbasary Daniia Espaeva jýrnalisterdiń kýlýarda depýtattarǵa suraq qoiý múmkindigi ne sebepti shektelgenin túsindirdi, dep habarlaidy dalanews.kz.
Beisenbi kúni Quryltaida ótken brifingte jýrnalist Botagóz Omarova kýlýardaǵy jumys tártibine qatysty másele kóterdi. Ol jýrnalisterdiń depýtattarǵa erkin suraq qoiý múmkindigi nege qysqarǵanyn surap, munyń ótkir saýaldarmen bailanysty bolýy múmkin ekenin aitty.
«Kýlýartarǵa qatysty suraq bar. Eger muny suramasam, ózimdi syilamai ketetin shyǵarmyn. Aityńyzshy, ne boldy? Nelikten kýlýarlar qysqardy? Sizder bizdiń ótkir suraqtarymyzdan qorqasyzdar ma, álde jýrnalisterdiń mundai suraqtardy erkin qoiǵany unamai ma? Osyny túsindirip bere alasyz ba?» – dep surady jýrnalist.
Ol bul máseleniń mańyzdy ekenin jáne Qazaqstandaǵy sóz bostandyǵyna tikelei qatysty ekenin atap ótti.
Daniia Espaevanyń aitýynsha, Quryltai burynǵydai ashyq jumys istep jatyr. Alaida jýrnalisterdiń Quryltai otyrystary kezindegi jumys formatyna qatysty belgili bir tártip engizilgen.
«Quryltai qalai ashyq bolsa, solai ashyq bolyp qala beredi. Qazir sizder bizdiń baiandamalarymyzdy baspasóz ortalyǵy arqyly tyńdap, jumys istep júrsizder. Meniń oiymsha, bul, birinshiden, sizderge jumys isteýge qolaily jaǵdai jasaý úshin engizildi. Ekinshiden, Quryltai – joǵary zań shyǵarýshy organ ekenin túsinýimiz kerek. Jýrnalister Quryltaiǵa plenarlyq otyrystar kezinde kelgende, eń aldymen nazar aýdarylýy tiis másele – Quryltai otyrysyna shyǵarylatyn zań jobalary», – dedi Espaeva.
Onyń pikirinshe, jýrnalister Quryltai otyrysyna kelgen kúngi materialdarynyń negizgi taqyryby sol kúni qaralatyn zań jobalaryna arnalýy kerek.
«Nelikten bulai dep oilaimyz? Óitkeni elimizdiń azamattary Quryltaida qabyldanyp jatqan zańdar týraly barynsha tolyq habardar bolýy qajet», – dedi Quryltai tóraǵasynyń orynbasary.
Qazirgi ýaqytta Quryltaidyń ekinshi otyrysynda onyń jumys reglamenti qaralyp jatyr. Qujat jańa Konstitýtsiia men «Qazaqstan Respýblikasynyń Quryltaiy jáne onyń depýtattarynyń mártebesi týraly» konstitýtsiialyq zań talaptaryna sáikes ázirlengen.
