Qalamyzda «Kieli meken» aktsiiasy jalǵasýda. Búgin atalǵan ekonaýqannyń aiasynda ardagerler men jastar birlesip, qaladaǵy Jeńis parkin tazalady, dep habarlaidy Dalanews.kz oblys ákimdiginiń baspasóz qyzmetine silteme jasap.
Bul park byltyrdan beri kúrdeli jóndeýden ótip jatyr. Jasyl jelekter egilip, aǵashtar áktelip, oryndyqtar men qoqys jáshikteri aýystyrylyp, gúlzarlar jasalǵan bolatyn. Sondai-aq munda UOS-ǵa qatysqan ardagerlerdiń sýreti beinelengen panno ornatylyp, shaǵyn sáýlettik nysandar qoiyldy. Eń bastysy – parktiń aýmaǵynda Aýǵan soǵysy men UOS arnalǵan úlken eki eskertkish bar.
Bul kúni saiabaqqa ardagerler men jastardan 100 adam jinalyp, park aýmaǵyn qoqystan, jerge túsken sary japyraqtardan, aramshópterden tazartty. Eskertkishterdiń tóńiregi sypyrylyp, jurtshylyq bir adamdai eńbek etti. Nátijesinde bul jerden 35 qap qoqys shyǵaryldy.
«Ótkennen sabaq almai, keleshekke qadam basa almaimyz. Osyndai tarihi eskertkishterdiń jan-jaǵy taza bolyp tursa, urpaqtarymyz ata-babalaryna únemi taǵzym jasap tursa, keremet emes pe? «Kieli meken» aktsiiasyn buqara túgeldei qoldaýy kerek dep oilaimyn. Sebebi, bul – jai ǵana senbilik emes, bul – balalarǵa tárbie berý, halyqty tazalyqqa shaqyrý», - dedi Aýǵan soǵysynyń ardageri Aldajar Seiituly sharany qorytyndylap.
