Otyrarlyq kásipkerler 163 otbasyǵa kómir túsirip berdi
Qystyq qatty otyn alýǵa qaýqary jetpei qamkóńilmen júrgen az qamtylǵan otbasylarǵa otyrarlyq kásipkerler qol ushyn berip, úlken azamattyq tanytty. Týǵan jerdiń árbir mańyzdy máselesine shet qaramaityn jany jomart, qoly ashyq abzal azamattar aýdanymyzda az emes ekendigine kóz jetkizdirdi.
Otyrar aýdany ákimdiginiń uiytqy bolýymen qolǵa alynǵan igi bastamaǵa «Saýts Oil», «Aziia Agro Grýpp», «Omar ata», «Aqjol» JShS-men qatar, aýyldan shyqqan bir top jeke kásipkerler de óz úlesterin qosty.
Qarasha-jeltoqsan ailary aralyǵynda aýdannyń jekelegen eldimekenderi boiynsha 163 otbasyǵa jomart jandar 250 tonna kóleminde qystyq otyn alyp, ózderi jetkizip bergen. Jalpy Otyrar aýdanynda mundai izigilikti sharýalar jii-jii uiymdastyrylyp turatynyn aita ketýimiz. Aýdandaǵy kásipker azamattar da mundai is-sharalardan qalys qalmaidy.
Qarapaiymdyq pen izgilikti jandaryna serik etken demeýshilerge kómek alýshylar alǵysyn jaýdyrýda.
Dalanews.kz
