قىستىق قاتتى وتىن الۋعا قاۋقارى جەتپەي قامكوڭىلمەن جۇرگەن از قامتىلعان وتباسىلارعا وتىرارلىق كاسىپكەرلەر قول ۇشىن بەرىپ، ۇلكەن ازاماتتىق تانىتتى. تۋعان جەردىڭ ءاربىر ماڭىزدى ماسەلەسىنە شەت قارامايتىن جانى جومارت، قولى اشىق ابزال ازاماتتار اۋدانىمىزدا از ەمەس ەكەندىگىنە كوز جەتكىزدىردى.
وتىرار اۋدانى اكىمدىگىنىڭ ۇيىتقى بولۋىمەن قولعا الىنعان يگى باستاماعا «ساۋتس ويل»، «ازيا اگرو گرۋپپ»، «ومار اتا»، «اقجول» جشس-مەن قاتار، اۋىلدان شىققان ءبىر توپ جەكە كاسىپكەرلەر دە ءوز ۇلەستەرىن قوستى.
قاراشا-جەلتوقسان ايلارى ارالىعىندا اۋداننىڭ جەكەلەگەن ەلدىمەكەندەرى بويىنشا 163 وتباسىعا جومارت جاندار 250 توننا كولەمىندە قىستىق وتىن الىپ، وزدەرى جەتكىزىپ بەرگەن. جالپى وتىرار اۋدانىندا مۇنداي ىزىگىلىكتى شارۋالار ءجيى-جيى ۇيىمداستىرىلىپ تۇراتىنىن ايتا كەتۋىمىز. اۋدانداعى كاسىپكەر ازاماتتار دا مۇنداي ءىس-شارالاردان قالىس قالمايدى.
قاراپايىمدىق پەن ىزگىلىكتى جاندارىنا سەرىك ەتكەن دەمەۋشىلەرگە كومەك الۋشىلار العىسىن جاۋدىرۋدا.
Dalanews.kz
