Qarajatqa tigin mashinalaryn alyp, qazir 5 adamdy turaqty jumyspen qamtyp otyr. Al memlekettik tapsyrys alǵanda aýyldyń qyz-kelinshekterin jaldaidy.
«Qyzylordaǵa munaishylardyń arnaiy kiimderin tigemiz. Jaqynda Jańaqorǵanǵa taǵy 150 kiim tigip jiberemiz. Mundai tapsyrystar kezinde úidi-úide otyryp tigis tigetin aýyldyń áielderi kómektesedi», – Úrlásh ájei.
Aita keteiik, Otyrar aýdanynda baǵdarlama aiasynda qarjylyq uiymdar 45 azamatqa shaǵyn nesie bergen. Olardyń deni aýyl sharýashylyǵyn damytýǵa atsalyssa, qyz-kelinshekter jeńil ónerkásipti urshyqsha iirýde.
Otyrar adandyq jumyspen qamtý ortalyǵynyń direktory Amangeldi Muhittyń aitýynsha shaǵyn nesiemen 10 aida 45 azamat 197 mln. teńgemen qamtylyp otyr. Olardyń biri qyzmet kórsetý salasynda, endi biri mal sharýashylyǵyn jandandyryp keledi.
Baǵdarlama aiasynda kásipkerlikti túletý tek Otyrar aýdanynda ǵana emes, óńirde qarqyn alǵan. 2 myńǵa jýyq kúngeilik turǵyn memlekettik qoldaýdy paidalanyp kásipke bet burǵan.
Al Túrkistan oblystyq jumyspen qamtýdy úilestirý jáne áleýmettik baǵdarlamalar basqarmasynyń basshysy Muhit Otarshievtyń aityp ketkenindei «Bastaý biznes» jobasy arqyly 1730 azamat oqýlaryn aiaqtap, sertifikattaryn alǵan. Onyń 215 — ine 1,1 mlrd. teńgeniń nesiesi berilgen.
«Nátijeli jumyspen qamtýdy jáne jappai kásipkerlikti damytýdyń 2017 — 2021 jyldarǵa arnalǵan baǵdarlamasynyń» 2-baǵytynda jappai kásipkerlikti damytý qaralǵan. Búginge deiin 2,6 mlrd. teńge kóleminde 500 adam nesiemen qamtamasyz etildi», – deidi.
