قاراجاتقا تىگىن ماشينالارىن الىپ، ءقازىر 5 ادامدى تۇراقتى جۇمىسپەن قامتىپ وتىر. ال مەملەكەتتىك تاپسىرىس العاندا اۋىلدىڭ قىز-كەلىنشەكتەرىن جالدايدى.
«قىزىلورداعا مۇنايشىلاردىڭ ارنايى كيىمدەرىن تىگەمىز. جاقىندا جاڭاقورعانعا تاعى 150 كيىم تىگىپ جىبەرەمىز. مۇنداي تاپسىرىستار كەزىندە ۇيدى-ۇيدە وتىرىپ تىگىس تىگەتىن اۋىلدىڭ ايەلدەرى كومەكتەسەدى»، – ءۇرلاش اجەي.
ايتا كەتەيىك، وتىرار اۋدانىندا باعدارلاما اياسىندا قارجىلىق ۇيىمدار 45 ازاماتقا شاعىن نەسيە بەرگەن. ولاردىڭ دەنى اۋىل شارۋاشىلىعىن دامىتۋعا اتسالىسسا، قىز-كەلىنشەكتەر جەڭىل ونەركاسىپتى ۇرشىقشا يىرۋدە.
وتىرار اداندىق جۇمىسپەن قامتۋ ورتالىعىنىڭ ديرەكتورى امانگەلدى مۇحيتتىڭ ايتۋىنشا شاعىن نەسيەمەن 10 ايدا 45 ازامات 197 ملن. تەڭگەمەن قامتىلىپ وتىر. ولاردىڭ ءبىرى قىزمەت كورسەتۋ سالاسىندا، ەندى ءبىرى مال شارۋاشىلىعىن جانداندىرىپ كەلەدى.
باعدارلاما اياسىندا كاسىپكەرلىكتى تۇلەتۋ تەك وتىرار اۋدانىندا عانا ەمەس، وڭىردە قارقىن العان. 2 مىڭعا جۋىق كۇنگەيلىك تۇرعىن مەملەكەتتىك قولداۋدى پايدالانىپ كاسىپكە بەت بۇرعان.
ال تۇركىستان وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى مۇحيت وتارشييەۆتىڭ ايتىپ كەتكەنىندەي «باستاۋ بيزنەس» جوباسى ارقىلى 1730 ازامات وقۋلارىن اياقتاپ، سەرتيفيكاتتارىن العان. ونىڭ 215 — ىنە 1،1 ملرد. تەڭگەنىڭ نەسيەسى بەرىلگەن.
«ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017 — 2021 جىلدارعا ارنالعان باعدارلاماسىنىڭ» 2-باعىتىندا جاپپاي كاسىپكەرلىكتى دامىتۋ قارالعان. بۇگىنگە دەيىن 2،6 ملرد. تەڭگە كولەمىندە 500 ادام نەسيەمەن قامتاماسىز ەتىلدى»، – دەيدى.
