Otyrarda jemqorlyqqa qarsy seminar-trening ótti
Otyrar aýdanyna arnaiy jumys saparymen kelgen QR Memlekettik qyzmet isteri jáne sybailas jemqorlyqqa qarsy is-qimyl agenttigi Túrkistan oblysy boiynsha departamentiniń basshysy Ǵalym Tursynbaev memlekettik qyzmetshilermen arnaiy seminar-trening ótkizdi.
Seminarǵa aýdandaǵy memlekettik mekemeler men bólim basshylary, memlekettik qyzmetshiler jáne mektep direktorlary qatysty. Jiyndy aýdan ákimi Erlan Aitahanov júrgizip otyrdy.
Basqosýda sóz alǵan departament basshysy memlekettik qyzmetshiler arasynda sybailas jemqorlyqqa qarsy kúres mádenietin qalyptastyrýǵa baǵyttalǵan jiynnyń mán-mańyzyna toqtala kele, jemqorlyq pen quqyq-buzýshylyqty týǵyzatyn sebepter men jaǵdailardy aldyn alyp, olardy joiý, memlekettik qyzmetshilerdiń bilimin kóterý, jemqorlyqqa qarsy saiasatty nasihattaý, sondai-aq, jemqorlyqqa qarsy júrgiziletin sharalardyń jariialylyǵy men ashyqtyǵyn úilestirý týraly aitty.
Seminar barysynda sybailas jemqorlyqtyń adamzat balasyna tigizgen zardaby jaiynda beinerolik kórsetildi.
– Elimiz Táýelsizdik alyp, búkil dúnie júzine tanyldyq. Dúnie júzine qazaq eli birtutastyǵymenen, ajyramas birligimen tanyldy. Qoǵamnyń damýynda jańa jol aiqyndalyp, týyndaǵan ártúrli keselderden aiyǵý eń basty mindet bolyp tur. Onyń eń bastysy sybailas jemqorlyqqa qarsy kúres. Elbasymyz Nursultan Ábishuly Nazarbaevtyń bastaýymen alǵa qoiylyp otyrǵan sybailas jemqorlyqpen kúres júrgizý memlekettik organdardyń, memlekettik qyzmetshilerdiń, tutastai qoǵamnyń basty mindeti men boryshy. Óitkeni, oǵan eldiń bolashaǵy ǵana emes, ər adamnyń taǵdyry da bailanysty, – dep aýdan ákimi Erlan Aitahanov aýdanǵa arnaiy at basyn burǵan departament basshysyna otyrarlyqtar atynan shynaiy alǵysyn jetkizdi.
Seminardan soń QR Memlekettik qyzmet isteri jáne sybailas jemqorlyqqa qarsy is-qimyl agenttigi Túrkistan oblysy boiynsha departamentiniń basshysy Ǵalym Tursynbaev «Nur Otan» partiiasy Otyrar aýdandyq filialynda azamattardy jeke máseleleri boiynsha qabyldap, pikirleri men ótinishterin tyńdady.
Otyrar aýdany ákiminiń baspasóz qyzmeti
