وتىرار اۋدانىنا ارنايى جۇمىس ساپارىمەن كەلگەن ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى تۇركىستان وبلىسى بويىنشا دەپارتامەنتىنىڭ باسشىسى عالىم تۇرسىنبايەۆ مەملەكەتتىك قىزمەتشىلەرمەن ارنايى سەمينار-ترەنينگ وتكىزدى.
سەمينارعا اۋدانداعى مەملەكەتتىك مەكەمەلەر مەن ءبولىم باسشىلارى، مەملەكەتتىك قىزمەتشىلەر جانە مەكتەپ ديرەكتورلارى قاتىستى. جيىندى اۋدان اكىمى ەرلان ايتاحانوۆ جۇرگىزىپ وتىردى.
باسقوسۋدا ءسوز العان دەپارتامەنت باسشىسى مەملەكەتتىك قىزمەتشىلەر اراسىندا سىبايلاس جەمقورلىققا قارسى كۇرەس مادەنيەتىن قالىپتاستىرۋعا باعىتتالعان جيىننىڭ ءمان-ماڭىزىنا توقتالا كەلە، جەمقورلىق پەن قۇقىق-بۇزۋشىلىقتى تۋعىزاتىن سەبەپتەر مەن جاعدايلاردى الدىن الىپ، ولاردى جويۋ، مەملەكەتتىك قىزمەتشىلەردىڭ ءبىلىمىن كوتەرۋ، جەمقورلىققا قارسى ساياساتتى ناسيحاتتاۋ، سونداي-اق، جەمقورلىققا قارسى جۇرگىزىلەتىن شارالاردىڭ جاريالىلىعى مەن اشىقتىعىن ۇيلەستىرۋ تۋرالى ايتتى.
سەمينار بارىسىندا سىبايلاس جەمقورلىقتىڭ ادامزات بالاسىنا تيگىزگەن زاردابى جايىندا بەينەروليك كورسەتىلدى.
– ەلىمىز تاۋەلسىزدىك الىپ، بۇكىل دۇنيە جۇزىنە تانىلدىق. دۇنيە جۇزىنە قازاق ەلى بىرتۇتاستىعىمەنەن، اجىراماس بىرلىگىمەن تانىلدى. قوعامنىڭ دامۋىندا جاڭا جول ايقىندالىپ، تۋىنداعان ءارتۇرلى كەسەلدەردەن ايىعۋ ەڭ باستى مىندەت بولىپ تۇر. ونىڭ ەڭ باستىسى سىبايلاس جەمقورلىققا قارسى كۇرەس. ەلباسىمىز نۇرسۇلتان ءابىش ۇلى نازاربايەۆتىڭ باستاۋىمەن العا قويىلىپ وتىرعان سىبايلاس جەمقورلىقپەن كۇرەس جۇرگىزۋ مەملەكەتتىك ورگانداردىڭ، مەملەكەتتىك قىزمەتشىلەردىڭ، تۇتاستاي قوعامنىڭ باستى مىندەتى مەن بورىشى. ويتكەنى، وعان ەلدىڭ بولاشاعى عانا ەمەس، ءار ادامنىڭ تاعدىرى دا بايلانىستى، – دەپ اۋدان اكىمى ەرلان ايتاحانوۆ اۋدانعا ارنايى ات باسىن بۇرعان دەپارتامەنت باسشىسىنا وتىرارلىقتار اتىنان شىنايى العىسىن جەتكىزدى.
سەميناردان سوڭ ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى تۇركىستان وبلىسى بويىنشا دەپارتامەنتىنىڭ باسشىسى عالىم تۇرسىنبايەۆ «نۇر وتان» پارتياسى وتىرار اۋداندىق فيليالىندا ازاماتتاردى جەكە ماسەلەلەرى بويىنشا قابىلداپ، پىكىرلەرى مەن وتىنىشتەرىن تىڭدادى.
وتىرار اۋدانى اكىمىنىڭ باسپا ءسوز قىزمەتى
