Otyrar aýdanynda 2024 jyldyń 10 aiynda jalpy óńirlik ónim kólemi 66,4 mlrd teńgeni qurap, ótken jyldyń tiisti kezeńimen salystyrǵanda 300 mln teńgege artyq oryndalǵan. Onyń ishinde, aýyl sharýashylyǵy – 33,3 mlrd teńge, tartylǵan investitsiia – 23,6 mlrd teńge, saýda – 2,8 mlrd teńge, ónerkásip – 22 mlrd teńge, qurylys kólemi - 8,2 mlrd teńgeni quraǵan. Bul jaiynda Otyrar aýdanynyń ákimi Qairat Joldybai BAQ ókilderimen ótken brifingte málimdedi, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
– Biyl Otyrar aýdanynda 35 000 gektarǵa egin egilip, egistik alqabynan 395 993 tonna ónim jinaldy. Odan bólek, aýdanda 2024 jyldyń II toqsanynda birneshe investitsiialyq joba iske asyryldy. Máselen, «Barjoý Hinkai Treid goý» LTD kompaniiasymen birlesip 500 gektar alqapqa tamshylatyp sýarý ádisimen maqta daqylyn egý jumystary júrgizilip, 1 200 tonna maqta ónimi alyndy. Sonymen qatar, aýdanda jyl sońyna deiin 800 mln teńgege saýda salasy boiynsha eki shaǵyn investitsiialyq jobany iske qosý josparlanyp otyr.
Budan bólek, 2025 jyly quny 360 mln teńgeni quraityn túie sútin óńdep, untaq shyǵaratyn kásiporyn qurý kózdelgen. Búginde Qytai memleketimen kelissózder júrgizilýde. Sondai-aq, 2025-2030 jyldary quny 145 mlrd 625 mln teńgeni quraityn 157 iri jáne shaǵyn investitsiialyq jobalar júzege asyp, 1 790 adam jumyspen qamtylmaq. Sondai-aq, kelesi jyly aýdanda «Nomad» JShS-ń demalys aimaǵy iske qosylady. Al, 2026 jyly «Januia» JShS-ń emdik balshyq pen jyly sýmen emdeý ortalyǵyn iske qosý kózdelgen, – dedi aýdan basshysy.
Budan bólek, aýdandaǵy Sháýildir aýylynda «Jaily mektep» ulttyq pilottyq jobasy aiasynda 600 oryndyq mektep qurylysy júrgizilýde. Nysan 2024 jyldyń 15 jeltoqsanyna deiin paidalanýǵa berilmek. Sondai-aq, «Aýyldyq densaýlyq saqtaýdy jańǵyrtý» ulttyq jobasy aiasynda Aqqum aýylynan dárigerlik ambýlatoriia qurylysy men Shytty aýylynan feldsherlik-akýsherlik nysannyń qurylysy júrgizilýde. Ǵimarattar 2024 jyldyń 1 jeltoqsanyna deiin el igiligine beriledi.
Infraqurylymmen qamtý boiynsha aýdandaǵy 37 eldi mekenniń 35-i ortalyqtandyrylǵan aýyz sý júiesimen qamtylǵan. Qalǵan eki eldi mekendi aýyz sýmen qamtý jumystary júrgizilýde. 2018-2023 jyldar aralyǵynda 21 eldi meken tabiǵi gaz júiesine qosylyp, jalpy aýdan halqynyń gazben qamtylý deńgeii 71,4 %-ǵa jetken. 2024 jyly «Aýyl – El besigi» baǵdarlamasy aiasynda 13,7 shaqyrymdyq 7 ishki kóshege, jergilikti biýdjet qarjysy esebinen 34,8 shaqyrymdyq 29 kóshege orta jáne aǵymdaǵy jóndeý jumystary júrip, qanaǵattanarlyq dárejedegi joldar úlesi 80,1%-dy qurap otyr.
